АНУ-ын Боинг компани дэлхийн онгоц үйлдвэрлэгч томоохон компанид тооцогддог. Тус компанийн ханган нийлүүлэгчээр Канзас дахь Spirit AeroSystems компани  ажиллаж, онгоцны их биеийг үйлдвэрлэдэг байна.

Spirit AeroSystems-ийн чанарын хянагч байсан Сантиэго Парадэс “Боинг руу нийлүүлдэг хэсгүүдэд маш их асуудал байсан. Илгээхэд бэлэн болсон эд ангиудыг шалгахад олон тооны зөрчил нэг дор илэрдэг байв. Би 2010-2022 онуудад энэ компанид ажилласан. Үйлдвэрээс яагаад доголдолтой бүтээгдэхүүн гарч байгааг шалгахыг хүссэн ч зөвшөөрөөгүй, надаар доог тохуу хийгээд, дарамтлаад өнгөрөөсөн. Дутуу холбосон, нугалсан гэх мэт зөрчил илэрдэг байв. Тэд квотод л анхаардаг, төлөвлөсөн хугацаандаа илгээхийг л хүссэн. Энэ талаар хурлаар ярьсан ч шийдвэр гараагүй” гэж ярьжээ.

Одоогоор Боинг компани энэ талаар ямар нэг тайлбар өгөөгүй байна. Өнгөрсөн нэгдүгээр сард Boeing 737 Max онгоц хөөрөөд удаагүй байхад хаалга нь салж унасан осол гарсан юм.

АНУ-ын Тээврийн аюулгүй байдлын байгууллагын урьдчилсан тогтоосноор хаалгыг их биед бэхэлсэн дөрвөн боолт хуучирсан байжээ. Мөн өөр хяналт шалгалтаар Боинг, Spirit AeroSystems компаниуд 737 Max онгоцыг үйлдвэрлэхдээ чанарын хяналтын шаардлагыг хангаагүй гэсэн дүгнэлт гарсан байна.

Spirit AeroSystems 737 Max онгоцны бүх их биеийг нийлүүлсэн байна. Тус компани энэ оны эхний гурван сард 617 сая ам.долларын алдагдал хүлээжээ. Иймд Боинг тус компанид санхүүгийн дэмжлэг үзүүлэх болсон юм.

Төгсгөлд нь онцлоход Боинг энэ оны сүүлээр удирдлагын багаа өөрчилнө гэж мэдэгдсэн. Гүйцэтгэх захирал ажлаа өгөх юм.

Эх сурвалж: BBC