Зохиолч Том Стэнли Чингисийн хааны амьдралыг өгүүлсэн "Heaven's Favorite" буюу "Мөнх тэнгэрийн хүчин дор" гэдэг хоёр боть түүхэн романаа саяхан бичиж дуусгажээ.

Гурван жил гаруй эрчимтэй судалгаа, шинжилгээ хийсний үр дүнд 800 жилийн өмнөх Тэмүүжиний хөрөг зургийг тод томруунаар "Мөнх тэнгэрийн ивээл" номонд тусган харуулсан байна. Номын зохиолч Стэнли бодит түүхийг мөшгин Чингис хаан дээд сургуулийн монгол эрдэмтэдийн хамт Монголын өргөн уудам нутгаар 4500 гаруй км аялжээ. Үүнээс гадна Монгол эзэнт гүрнийг үүсгэн байгуулагч Чингис хааны түүхтэй холбогдох Хятадын хэд хэдэн нутгаар ч аялжээ.

"Хэрэв хаантан намайг шуурган гал эсвэл далай тэнгис руу ор гэвэл би түүний зарлигийг дагана. Би үүнийг хааныхаа төлөө хийнэ" гэж Чингис хааны цэргүүд ярьдаг байв. Чингис хаан дэлхийг байлдан дагуулахын тулд дарлага мөлжлөгө, цөллөгө гэх мэт хатуу бэрх амьдралыг даван туулсан. Энэ бол түүний түүх" гэж уг номын зохиолч ярьжээ.

Зохиолч Жеймс Клавеллийн бичсэн Японы нэрт цэргийн жанжин Шогуны тухай түүхэн романы нэгэн адил "Мөнх тэнгэрийн ивээл" роман Тэмүүжиний түүхийг өгүүлэх юм. Тэмүүжин Монголын эзэнт гүрний хаан болохын өмнө монгол овог аймаг тархай бутархай байсан билээ. Чингис хааны талаар персчүүд ташаа түүхийг тусгасан өгүүлсэн байдаг. Чингис хаан бол дэлхийн түүхэн дэх хамгийн том хаант гүрнийг байгуулсан юм. Түүний хаант гүрэн Ромын эзэнт гүрний нутгаас зургаа дахин том хэмжээтэй байсан гэж уг романд бичжээ.

Нэгдүгээр боть - Сэргэн мандалт: Чингис хааны хүмүүжил
Энэ боть нь Тэмүүжин хүчирхэгжиж, Монголын эзэнт гүрний үүслийн түүхтэй холбоотой юм. "Сэргэн мандалт: Чингис хааны хүмүүжил" МЭ 1167 оны үйл явц болон Зүүн Ази гурван хүчирхэг гүрнээс үүсч байгааг дүрслэн харуулна. Харин Монголд тархай бутархай овог аймгуудаас бүрдэж байв. Энэ үед Тэмүжин төрж улмаар 10 наснаасаа амьдралын хүнд бэрх зүйлстэй тулгарч байгааг өгүүлнэ. Үүнээс гадна хүүхэд ахуй насандаа сүй тавьсан Бөртэ хатан, санаа нэгт нөхдийн хамт түшмэдийн эсрэг тэмцэн ялалт байгуулж байгаа залуу жанжин Тэмүүжиний түүхийг энэ ботиос унших юм.

Хоёрдугаар боть - Тусгаар тогтнол: Монголын эзэнт гүрний үүсэл
Хоёрдугаар ботинд Чингис хаан гадаад ертөнцийг сонирхох болсон түүхийг өгүүлэх юм. Энэ хэсэгт Тэмүүжин гэсэн нэр Чингис хаан болох юм. Бидний цуглуулсан Чингис хааны тухай баримтууд түүнийг янз бүрээр дүрслэн, таамагласан ташаа түүхийг бага ч болов багасгаж байна. Тэрээр тухайн цагтаа олон хүний аминд хүрсэн гэж яригдаж байсан ч тэрээр олон сайн зүйлс бүтээж байсан. Чингис хаан хүмүүс хүссэн шашинаа шүтэх эрхийг  олгож, чөлөөт худалдаа нь энх тайвны гол түлхүүр гэдэгт итгэдэг нэгэн байжээ. Энэ түүх нь 1206 оны үйл явцыг дахин сэргээнэ. Тэмүүжиний эзэнт гүрэн тэднийг арчин хаях хүчтэй эзэнт гүрнүүдээр хүрээлүүлж байсан гэж номын тайлбарт өгүүлжээ.

Номын тухай дэлгэрэнгүй мэдээллийг www.heavensfavorite.com вэб хуудаснаас уншиж болох юм.

С.Отгонбаяр