Энэ сарын 1-нээс 77 гудамжинд дүрэм зөрчин машинаа байрлуулвал ачих шийдвэрийг гаргасан. Тэгвэл дүрэм зөрчсөн тээврийн хэрэгслийг ачихын тулд замын цагдаагийн албан хаагчийн зөвшөөрөлтэй байх ёстой аж.

Тодруулбал, Тээврийн хэрэгслийг зөөж шилжүүлэх, түр саатуулах журамд “Цагдаагийн алба хаагч зөөж шилжүүлэх шийдвэрт тээврийн хэрэгслийн марк, улсын дугаар, зөөж шилжүүлэх шалтгаан зэргийг тусгаж, гарын үсэг зурж баталгаажуулна. Шийдвэрийг чирэгч, ачигч автомашины жолооч, техникийн ажилтанд /хаалга, цонх онгорхой тохиолдолд үзлэгийн тэмдэглэлийн хамт/ хүлээлгэж өгнө” хэмээн заажээ.

Мөн зөөж шилжүүлсний дараа 24 цагийн дотор тээврийн хэрэгслээ буцаан авбал түр саатуулах хашааны төлбөрөөс чөлөөлөхөөр тогтсон талаар Нийслэлийн Засаг даргын тамгын газраас мэдээллээ.

Харин зориулалтын автомашинаар тээврийн хэрэгсэл ачих төлбөрийг

• мотоцикл 30 000 төгрөг,
• суудлын автомашин, микробус, 3,5 тонн хүртэлх жинтэй ачааны автомашин,
• автобус 60 000 төг,
• 3,5 тонноос дээш жинтэй том оврын тээврийн хэрэгслийг 90 000 төгрөг байхаар тогтоосон.

Зам тээврийн ослоос урьдчилан сэргийлэх, түгжрэл саатлыг бууруулах зорилгоор  08:00 цагаас 20:00 цагийн хооронд дараах хориглосон газарт зогссон тээврийн хэрэгслийг зөөж шилжүүлнэ.