Ердөө тавхан минутын дараа бид Google-ийн өнгөрсөн нэг жилийн турш ажилласан зүйлстэй танилцах аялалд гарах гэж байна.

EX_MACHINA үзсэний дараа хайлтын систем, ялангуяа "BIG DATA" гэдэг ямар том нөлөөтэй болохыг бүр ч сайн ойлгосон. Магадгүй та үзэж амжаагүй бол үзэхийг зөвлөж байна. Google бол бодит амьдрал дээрх "BlueBook" юм шүү.

EX_MACHINA үзсэний дараа хайлтын систем, ялангуяа "BIG DATA" гэдэг ямар том нөлөөтэй болохыг бүр ч сайн ойлгосон. Магадгүй та үзэж амжаагүй бол үзэхийг зөвлөж байна. Google бол бодит амьдрал дээрх "BlueBook" юм шүү.

Хоёр минутын дараа Google I/O эхлэх гэж байна.

Хөгжмийн хэмнэл удааширсаар... эхэллээ дээ

Сүүлийн хоёр хүн "Ping Pong" тоглож байх шиг байна.

Огторгуйн дунд орсон мэт санагдуулах бичлэг гарч байна.

Манай нарны аймгийн хамгийн алслагдмал гариг болох Далайн ван харагдаад өнгөрлөө.

Эцэст нь дэлхий харагдаад гэрэл унтрав.

Цахилгаан шатаар өгсөж байна.

8, 7, 6, 5, 4, 3, 2, 1, 0 ....

Өөрийгөө жолооддог бяцхан хар машин явж байна.

Машины урд Uber-ийн лого харагдана. Хоёр компани хамтарч байгаа гэдгээ зарлах нь дээ.

Google-ийн дэд ерөнхийлөгч Сундар Пичай тайзан дээр гарч ирээд "Яг одоо биднийг 2 сая хүн үзэж байна" хэмээлээ.

"Цахим шуудан яагаад удаан байх ёстой гэж, тиймээс бид Gmail-ийг бүтээсэн. Яагаад Google maps байж болохгүй гэж? Бид Youtube, Chrome /би ч гэсэн яг одоо Chrome ашиглаж байна/ гээд хурдтай байж болох бүхнийг хөгжүүлж байна" Сундар Пичай

Өнгөрсөн онд худалдаанд гарсан 10 утас тутмын 8 нь Андроид үйлдлийн системтэй байжээ. 

Андроид одоо зөвхөн утсанд зориулсан систем байхаа больж, компани зүүдэг технологи, машины зах зээлд нэвтрүүлэх ажилдаа анхаарлаа илүүгээр хандуулах болжээ.

Шевролетийн машинууд Андроид үйлдлийн системийг нэвтрүүлэхээр болсноор 35 автомашин үйлдвэрлэгч өөрсдийн дөрвөн дугуйт, төмөр хүлэгтээ ухаалаг систем нэвтрүүлэхээр болж байна. Үүний дунд Фордоос эхлээд Hyundai хүртэл багтжээ.

HBO Now үйлчилгээ одоо Google-тэй хамтран ажиллахаар болжээ.

Андроид М үйлдлийн системийн тухай өгүүлэхээр Инженерийн салбарын дэд ерөнхийлөгч Дейв Бюрк тайзан дээр гарч ирлээ.

Аппликейшн бүр таны зөвшөөрлийг авч байж ажиллана.

iOS-той адил та аппликейшн бүр юуг ашиглаж болох юуг ашиглаж болохгүй зэргийг тохируулахад хялбар болжээ.

Аппликейшнүүд Chrome хөтөчтэй хоршин ажилласанаар танд ашиглахад илүү хялбар болох аж.

Андроид төлбөрийн систем. Үндсэндээ Apple Pay-тэй адилхан. Гэхдээ Google хөгжүүлсэн.

Андроид төлбөрийн системийг хэрэглэгчид 700,000 дэлгүүр, үйлчилгээний газарт ашиглаж болох аж.

Эцэст нь нэг юм Андроид үйлдлийн систем өөрийн API дээрээ хурууны хээ таних системтэй боллоо.

Хурууны хээ таних системийн ачаар хэрэглэгчид утасныхаа цоожийг тайлж, төлбөр төлж болохоос гадна, хүссэн хөгжүүлэгч нар өөрсдийн аппликейшнийг хурууны хээ таних системтэй холбож болох аж. Нээлттэй API гэсэн үг.

Андроид М үйлдлийн системийн цэнэг зарцуулалт багасчээ.

Doze хэмээх горим нь таныг хэрэглэж байгаа, үгүйг сайтар ойлгох бөгөөд цэнэг зарцуулалт хоёр дахин багасчээ. ХОЁР ДАХИН.

Тэрчлэн Андроид М үйлдлийн систем USB Type C дэмжих аж.

Андроид М тексттэй ажиллахад хялбаршуулсан учир, үг үсгээр нь сонгоход амархан болжээ.

Nexus 5, 6, 9 төхөөрөмжүүдэд зориулсан Андроид М өнөөдрөөс эхлэн хөгжүүлэгч нарт нээлттэй бөгөөд одоо Android Wear үйлдлийн системийн тухай ярих гэж байна.

Өнөөдрийн байдлаар зах зээл дээр энэ үйлдлийн системийг ашиглаж байгаа 1,500 гаруй төрлийн цаг байна.

Дэлгэц нь байнга асаалттай байх учир та ямар ч илүү дутуу хөдөлгөөний шаардлагагүйгээр цагаа харж болно. Тэгвэл үүнтэй адил таны сонгосон аппликейшнүүдийг тасралтгүй ажиллуулах горим нэмэгдэж байгаа аж. Хар цагаанаар харуулах учир та цаг руугаа харахад л хангалттай. Танд хэрэгтэй мэдээллийг харуулсаар байх болно.

Та Эможи зурж болно. Тэгээд таны цаг зурсан зургийг таниж төстэй эможинуудаас санал болгоно.

За Google машин дууд гэж хэлэхийн төдийд "Uber"-ийн хөгжүүлсэн аппликейшн танд машин захиалж өгөх төдийгүй, машин хаана явж байгааг шууд харуулж, хэдэн минутын дараа ирэхийг хэлнэ.

Зөвхөн Андроид Wear үйлдлийн системд зориулагдсан 4,000 гаруй аппликейшн байгаа аж.

Android Wear үйлдлийн систем танд хүссэн загварын цагаа авч, хүссэнээрээ тохируулах боломжийг олгож буйгаараа онцлог юм.

Интернетэд холбогдсон юмс буюу "Brillo" үйлдлийн системийн тухай ярих гэж байх шиг байна. Nest-ийг дурдаад өнгөрлөө.

"Brillo төсөл нь Интернетэд холбогдсон юмсд зориулагдсан үйлдлийн систем юм" хэмээн Сундар Пичай хэллээ.

Таны утас, Brillo төхөөрөмж, үүлэн тооцооллын сервер гээд хоорондоо холбогдож байгаа бүхэн нэг л "хэлээр хоорондоо" ойлголцоно.

Сүлжээнд холбогдсон бүх төхөөрөмж нэг л төрхтэй системийг санал болгоно. Brillo-гийн хөгжүүлэгчдэд зориулсан хувилбар энэ жилийн гуравдугаар улиралд, Weave холбооны систем дөрөвдүгээр улиралд шууд хэрэглээнд нэвтрэх аж.

Технологи суралцаж байна. Хиймэл оюун ухааны эхлэл болох маш том алхам бол суралцаж эхэлж буй технологи юм.

Өнөөдрийн байдлаар Google-ийн дуу хоолой таних систем 8 хувийн алдаатай ажиллаж байна. Харин өнгөрсөн жил 22 хувь байжээ.

Google Now ухаалаг туслахыг хэрхэн сайжруулсан тухай ярьж байна.

Одоо системээс та илүү энгийн асуулт асууж болно. Яг л хүнтэй харилцаж байгаа  мэт "Миний автобус хэзээ ирэх вэ?", "Би машинаа хаана орхисон бэ?" гэх мэтээр юу ч хамаагүй асууж болох аж.

Аппликейшнүүдтэй хоршин ажилласнаар танд хэрэгтэй зүйлсийг санал болгож эхэлнэ. 

Skrillex-ийн жинхэнэ нэрийг "Sonny John Moore" гэдэг юм байна. Шууд туршилт хийж байна. Skrillex-ийн дууг тавьж байгаад "Энэ хүний жинхэнэ нэрийг хэн гэдэг вэ?" гэж асуухад Google Now шууд хариуллаа. Skrillex-ийн жинхэнэ нэр хэн бэ гэж тухайлан асуух шаардлагагүй болжээ.

Google Tap гэдэг нэг горим нэмэгджээ. Та өөрийн хүссэн текст дээр дарснаар систем тухай текстээр хайлт хийж мэдээллийг харуулах аж.

Одоо гэрэл зурагны тухай хэсэг ярилцая. 

Google Photos гэх цоо шинэ бүтээгдэхүүн гэж тайлбарлалаа. Үндсэн гурван санаа бий.

Таны гэрэл зураг, дүрс бичлэгийн "орон гэр" болно. Гар утас, компьютер гээд бүх төхөөрөмж дээр хадгалагдах ажээ.

Хоёрдугаарт дурсамжид суурилсан арга. Хүний царай, байршил, он сар гээд төрөл бүрийн зүйлсээр ангилах бөгөөд та өөрийнхөө царай гарсан зургуудыг хайхад зөвхөн тэр л зургуудыг шууд харуулна.

Зурагны аппликейшн дээр та шууд үгээр хайлт хийж болох бөгөөд "Их цас" гэж хайлаа гэхэд таны зургийн сан дундаас цастай зургуудыг шүүж гаргаж ирнэ.

Хамгийн гоё нь юу гээч. Таны авсан зураг, хийсэн бичлэг бүрийг хадгалах хязгааргүй багтаамжыг компани үнэгүй олгох гэж байна. Ер нь бол өнөөдрөөс хойшхи дэлхийн түүхэн дэх бүх зураг Google-ийн санд хадгалагдах аж. Дээрээс нь зөвхөн Android гэлтгүй та iOS үйлдлийн систем ашигладаг байсан ч санаа зовох шаардлагагүй та ч бас ашиглаж болно.

Google translate орчуулгын систем хэрхэн шинэчлэгдсэн тухай одоо ярих гэж байна.

2016 онд зөвхөн зурагт харагдаж байгаа зургаан оронд 1,2 тэрбум ухаалаг утас зарагдана гэж тооцоолжээ.  /Бразил, БНХАУ, Энэтхэг, Монако, Мексик, ОХУ/

Google maps одоо сүлжээнд холбогдоогүй байсан ч хайлт хийж болдог болжээ.

Үүгээр зогсохгүй анх удаа сүлжээнд холбогдоогүй байхад ч аль зүгт хэдэн метр яваад эргэх, хаашаа явах тухай чиглэл заасан дуу хоолой бүхий зааварлагч ажиллах юм байна.

Сүлжээнд холбогдоогүй байхад ажиллах Google maps энэ оны сүүлээр хэрэглээнд нэвтэрнэ.

Аливаа аппликейшн гурван үндсэн шат дамжлага дамждаг. Хөгжүүлэх, хэрэглэгч татах, мөнгө олох.

Хөгжүүлэгч нарт зориулсан чуулган гэдгийг санаарай.

CocoaPods гэдэг нэг юмны тусламжтай хөгжүүлэгч нар iOS-д зориулсан аппликейшн хөгжүүлж болох аж.

Cloud Test Lab гэдэг нь мөн л хөгжүүлэгч нарт зориулагджээ.

Google Analytics-ийн тусламжтай аппликейшн хөгжүүлэгчид зөвхөн Андроид гэлтгүй хэчнээн iOS хэрэглэгч өөрийнх нь бүтээлийг татаж авсан тухай мэдээллийг хүлээн авна.

Та хэрвээ хөгжүүлсэн олон аппликейшнтэй бол Google Play дээр өөрийн гэсэн нүүр хуудас үүсгэж бүх аппликейшнээ хүссэнээрээ харуулж болох аж.

Өнгөрсөн 12 сарын хугацаанд нийт 50 тэрбум удаа аппликейшн суулгасан гэх тоо баримт байгаа бол идэвхтэй хэрэглэгчийн тоо нэг тэрбумд хүрчээ.

Өнгөрсөн зургаан сарын дотор 180 сая шинэ хэрэглэгч Google Play-д бүртгүүлсэн байна.

Зургаан сарын хугацаатай, сарын 200 ам. долларын төлбөртэй сургалтад та онлайнаар сууж болох бөгөөд таны Андроид хөгжүүлэгч болгох аж.

Cardboard цаас хэвээр үлдлээ. Гэхдээ 6 инч хүртэл хэмжээтэй утсанд таардаг болж товчлуур нь бүх төрлийн утсыг ажиллуулахаас гадна хамгийн гол нь iOS үйлдлийн системтэй хорших боломжтой болжээ.

GoPro Google компаниуд хамтран "VR" технологид суурилсан JUMP камерыг бүтээхээр болжээ. 

Тойруулан байрлуулсан 16 ширхэг камерын тусламжтай орчны зургийг шууд утгаар нь, төгс авч болох аж.

Дээрээс нь гурван хэмжээст технологийн тусламжтай дүрсний сарнил байхгүй, өнцөг, гүний ялгааг олон талаас нь харуулсан дүрс бүтээх аж.

Гэвч энэ төгс дүрслэл, технологийн дэвшлийг ашиглан бүтээсэн сонирхолтой бичлэг, зургуудыг та юугаар үзэх вэ? Тэр нь Youtube гэдэг нэртэй ажээ. Мэдээж хэрэг Youtube гэдэг асар том боломж байхад Google цоо шинэ зүйл хөгжүүлэх шаардлагагүй.

Харин та гайхалтай гурван хэмжээст дүрслэл бүхий бичлэгийг Youtube дээрээс шууд үзэж болох нь. Энэ бүх систем нийлээд JUMP гээчийг цогцлоож байна. 

Loon төсөл.

100 гаруй өдөр ашиглах, 10Mbps хурдтай сүлжээ цацах хийн бөмбөлөгүүдийг Google хөөргөхөөр төлөвлөж байна. Дэлхийн үлдсэн хүн амыг интернет, сүлжээнд холбох аваргуудын мөрөөдлийг тэд ч гэсэн мөрөөддөг билээ.

Ийнхүү Google I/O өндөрлөлөө. Сундар Пичай гараа даллан "Ирэх жил болтол баяртай" гэж хэлээд тайзыг орхилоо.