Тэр бүр тоглолтоо хийгээд байдаггүй, үзэгчдээ “цангаах” шахам хүлээлгэдэг “Никитон”-ыхон одоогоос яг гурван жилийн өмнө буюу 2012 оны гуравдугаар сард “Нандин шүтээн” тоглолтоороо фэнүүдтэйгээ уулзаж байлаа. Тус тоглолтонд үзэгчид тэр аяараа суудлаасаа босч, даган дуулж бүжиглэж байсан нь одоо ч чихэнд сонсогдоно.

Тэгвэл удтал хүлээлгэсэн шинэ тоглолтоо “Никитон” хамтлаг “Үүлэн үст” нэртэйгээр Цэрэг эрсийн баярыг угтан гуравдугаар сарын 18-ны өдөр “Crocus” Event Hall-д  хийх гэж байна.

Тоглолтын тасалбар 100 мянган төгрөгөөр худалдаалагдаж байгаа бөгөөд HiFi records-оос худалдан авах, Мэдээллийн лавлах 19001199-т залган хүргүүлэх боломжтой юм байна.