-Ямар нөхцөл байдалд гарсан осолд даатгуулагч өртсөн тохиолдолд тэтгэвэр, тэтгэмж, төлбөр олгох вэ?
-Дараах нөхцөл байдалд гарсан үйлдвэрлэлийн осолд даатгуулагч өртсөн тохиолдолд тэтгэвэр, тэтгэмж, төлбөр олгоно. Үүнд:
Ажлын байрандаа болон бусад газарт ажил үүргээ гүйцэтгэх явцад
Ажил эхлэхийн өмнө ажилд бэлтгэх буюу дууссаны дараа ажлын байр, багаж хэрэгслээ эмхэлж цэгцлэх үед Ажилдаа ирэх, буцах замдаа

-Үйлдвэрлэлийн осол, мэргэжлээс шалтгаалсан өвчний даатгалд ямар тэтгэвэр, тэтгэмж, төлбөр авах эрхтэй вэ?
-Энэ даатгалд даатгуулсан даатгуулагч нь:
-тахир дутуугийн тэтгэвэр
-тэжээгчээ алдсаны тэтгэвэр
-хөдөлмөрийн чадвар түр алдсаны тэтгэмж
-хөдөлмөрийн чадвар нөхөн сэргээхтэй холбогдсон төлбөр зэргийг авах эрхтэй.

-Даатгуулагчийн хөдөлмөрийн чадвар алдалтын хувь хэмжээ, хугацааг хаана тогтоох вэ?
-Даатгуулагчийн хөдөлмөрийн чадвар алдалтын хувь, хэмжээ, хугацаагтүүний оршин суугаа аймаг, дүүргийн эмнэлэг, хөдөлмөрийн магадлах комисс тогтооно. Даатгуулагч мэргэжлээс шалтгаалсан өвчний улмаас тахир дутуу болсон бол түуний хөдөлмөрийн чадвар алдалтын хувь, хэмжээ хугацааг мэргэжлийн өвчин судлалын төвийн дэргэдэх эмнэлэг, хөдөлмөрийн магадлах комисс тогтооно.

-Үйлдвэрлэлийн осол, мэргэжлээс шалтгаалсан өвчний тахир дутуугийн тэтгэврийн доод хэмжээ гэж байдаг уу?
-Үйлдвэрлэлийн осол, мэргэжлээс шалтгаалсан өвчний улмаас хөдөлмөрийн чадвараа 30 ба түүнээс дээш хувиар алдаж тахир дутуугийн тэтгэвэр тогтоолгосон даатгуулагчийн тэтгэврийн доод хэмжээ нь Засгийн газраас баталсан тухайн үед мөрдөгдөж байгаа хөдөлмөрийн хөлсний доод хэмжээний 75 хувиас багагүй байна,

-Үйлдвэрлэлийн осол, мэргэжлээс шалтгаалсан өвчний даатгалын сангаас олгож байгаа тахир дутуугийн болон тэжээгчээ алдсаны тэтгэврийн доод хэмжээ одоо хэдэн төгрөг байгаа вэ?
-Үйлдвэрлэлийн осол, мэргэжлээс шалтгаалсан өвчний улмаасхөдөлмөрийн чадвараа 30 ба түүнээс дээш хувиар алдаж тахир дутуугийн тэтгэвэр тогтоолгосон мөн шалтгааны улмаас нас барсан даатгуулагчийн гэр бүлийн хөдөлмөрийн чадваргүй гишүүдийн тэжээгчээ алдсаны тэтгэврийн доод хэмжээ 22600 төгрөг байна.

-Үйлдвэрлэлийи осол, мэргэжлээс шалтгаалсан тахир дутуугийн тэтгэвэр тогтоолгоход ямар бичиг баримт бүрдүүлэх вэ?
-Нийгмийн даатгалын дэвтэр 1995 оноос өмнө ажиллаж байсан даатгуулагч хөдөлмөрийн дэвтэр хөдөлмөрийн чадвар алдалтын хувь тогтоосон эмнэлэг хөдөлмөрийн магадлах комиссын акт, даатгуулагчийн иргэний үнэмлэх, хоёр хувь зураг.

-Үйлдвэрлэлийн осол, мэргэжлээс шалтгаалсан өвчний улмаас даатгуулагч нас барвал оршуулгын тэтгэмж олгох уу?
-Оршуулгын тэтгэмж олгоно. Даатгуулагчид олгох оршуулгын тэтгэмжийн хэмжээ 148500 төгрөг байна.

-Нас барсан даатгуулагчийн оршуулгын тэтгэмжийг хаанаас авах вэ?
-Нас барсан даатгуулагчийн оршуулгын тэтгэмжийг ажиллаж байсан ажил олгогчоор нь дамжуулан нийгмийн даатгалын байгууллага олгоно.