Африкийн саарал тоть дэлхийн хамгийн ухаантай амьтнаар шалгарлаа. Энэ тоть нуусан хоол олох сорилд сармагчинтай адил амжилт үзүүлж дээрх алдрын эзэн болов.

Австрийн амьтан хамгаалах төвийн 7-25 насны долоон тоть дээр уг туршилтыг явуулжээ. Нэвт харагддаггүй хоёр аяганд ижил хэмжээтэй хоёр өөр төрлийн хоол хийн хөмөрч, дараа нь нэг аяганаас хоолыг нууцаар аван шувуудад харуулсан байна. Үүний дараа уг хоол байсан аягыг олуулжээ.

Хэрэв өгөгдсөн цагийн хагаст л аягыг олбол ямар ч бодлогогүй тааж байгаагийн илрэл болох байж. Гэвч ихэнх нь шалгалтад унасан ч хэсэг хугацааны сургалтын дүнд нэг шувуу аягыг төвөггүй олсон нь өөрийн төрөлдөө дээрх эрхэм алдрыг авчрах үндэс болжээ.

Энэ төрлийн шувууд холбоо үг төвөггүй ойлгож, хэлбэр дүрс, өнгө, тoo ялгаж чаддаг. Мөн утас, хаалганы хонхтой ижил дуу авиа гаргадаг төдийгүй тамхичдын хөхүүлэн ханиахыг чадварлаг дууриадаг.

Хүний эрхшээлд байлаа ч доод тал нь 60 хүрдэг энэ төрлийн тотийг зарим судлаачид нялх хүүхэд, далайн гахай, шимпанзегээс илүү ухаантай гэж үздэг юм. Хамгийн дээд тал нь 950 үг тогтоож чаддаг төдийгүй үйл үгийн цагийг чадварлаг ялган ярьж, илэрхийлж чаддаг энэ жигүүртэн бусдыг шоолж элэглэхдээ гаргуун бөгөөд энэ чадвараараа тотьны төрөлдөө хамгийн шилдэг нь гэнэ.

1845 онд АНУ-ын Ерөнхийлөгч Эндрю Жэксон Африкийн саарал тоть тэжээдэг байсан бөгөөд хайртай шувуу нь 1945 онд түүний оршуулга дээрээс чанга дуугаар хэрүүл шуугиан тарьсныхаа төлөө "баривчлагдаж" байв.