GoGo мэдээний агентлаг мэдээллийг 24-р сургууль дээр байрлаж буй шинжилгээний цэгээс шууд дамжуулан хүргэж байна.  12:00 цагийн байдлаар тус шинжилгээний цэгт шинжилгээ өгөхөөр ирсэн иргэдийн урт дараалал үүсэж, цагдаагийн байгууллага зохион байгуулалтын ажлыг хийж байлаа. 

Тус цэгт дөрвөн компанийн 400 гаруй ажилтан өнөөдөр шинжилгээ өгөхөөр болсон бөгөөд эхний хүмүүс 08:00 цагаас хойш дугаарлаж байгаа юм байна. Өглөөнөөс хойш зохион байгуулалт тааруу, зай барихгүй байсан бөгөөд цагдаа нар ирснээр дугаарлалтад оруулж байгаа талаар иргэд хэлж байв. 

Шинжилгээ өгөхөөр ирсэн иргэдээс зохион байгуулалт ямар явагдаж байгаа талаар тодрууллаа. 

Иргэн: Ажилдаа явахаар шинжилгээ өгөх гэж байна. Шинжилгээ өгөх цагууд давхацаад ачаалал үүссэн юм шиг байна. 

Иргэн: Өглөө 9 цаг өнгөрөөд ирсэн. Манай компаниас 200 гаруй хүн шинжилгээ өгөх сурагтай байсан. Зохион байгуулалт түрүүн нэлээд замбараагүй байсан бол одоо харьцангуй гайгүй болсон байна. 

Иргэн: Би 20 минутын өмнө ирлээ. Ээлжийн ажилдаа явах гээд шинжилгээ өгөхөөр ирсэн. Зохион байгуулалт замбараагүй байна. Хүмүүс хоорондын зайгаа барихгүй байна. Хүлээлт их байна. Энд дугаарла гэж нэг дуудаад л буцаад байрандаа оч гээд л замбараагүй байна.