“Driveshare.com" цахим хуудас сонгодог, ховор автомашины эздэд цуглуулгуудаа олон нийтэд дэлгэж, хуучны тансаг автомашинуудаа түрээслэх боломжийг олгож байна. Автомашины түрээсийн үйлчилгээ үзүүлэгч компанийн цахим хуудас нь"Classics & Exotics" нэрээрээ илүү олонд танигдсан төдийгүй “Driveshare”-ийн автомашины түрээсийн үйлчилгээг дахин эхлүүлсэн юм.

Ингэснээр америкчууд хэзээ ч биелүүлж чаддаггүй мөрөөдлөө биелүүлэх боломжтой болох аж. Учир нь америкчуудын дийлэнх нь тансаг, өвөрмөц, хуучны загварын автомашин жолоодож үзэхийг хүсдэг нь судалгаагаар тогтоогджээ. 1973 оны “Mustang”, 1959 оны “Edsel”, 1997 оны “Porsche Boxster”, 2015 оны “Lamborghini Aventador” зэрэг сонгодог загварын автомашинуудаас сонголт хийн түрээслэх боломжтой болохыг “Classics & Ecotics” компани онцолж байна. Харин даатгал болон бусад санхүүгийн туслалцааг АНУ-ын даатгалын үйлчилгээ үзүүлэгч “Hagerty” компаниас авах боломжтой юм.

Б.Ариунболд