Хавайн арлуудад сүүлийн 40 жилд анх удаа Мауна Лоа галт уул идэвхжиж эхэллээ. Мауна Лоа нь дэлхийн хамгийн том идэвхтэй галт уул юм. Одоогоор лав нь хальж эхлээгүй байгаа бөгөөд уулын бэлд оршин суудаг хүмүүст аюул учруулах хэмжээнд хүрээгүй байна гэж орон нутгийн засаг захиргаанаас мэдээлжээ.

Гэвч АНУ-ын Геологийн албанаас нөхцөл байдал маш хурдацтай өөрчлөгдөж болзошгүйг анхааруулж байна. Галт уулын эргэн тойронд үнс цацагдаж болзошгүйг анхааруулж байгаа бөгөөд оршин суугчдад сонор сэрэмжтэй байхыг зөвлөжээ.

Удаан хугацаанд дэлбэрээгүй унтаа болон дахин идэвхжихээргүй унтарсан галт уулс ч мөн байдаг. Харин Мауна Лоа галт уулын анхны дэлбэрэлтийг 1843 онд баримтжуулан бүртгэснээс хойш дахин 33 удаа дэлбэрсэн гэж Геологийн албанаас мэдээлэв. Хамгийн сүүлийнх нь 1984 онд тохиолдсон байна. Тиймээс Мауна Лоа нь дэлхийн хамгийн том идэвхтэй галт уулд тооцогддог ажээ.

Эх сурвалж: ВВС