“GoGo-ийн асуултууд” булангийн энэ удаагийн дугаарт “Огторгуйн охин” тоглолтоороо үзэгчидтэйгээ уулзахаар бэлдэж буй уртын дуучин Г.Эрдэнэчимэг оролцлоо. Бид түүнийг зураг авалтад бэлдэн нүүрээ будуулж, үсээ янзлуулах зуур нь “GoGo-ийн асуултууд”-ад хариулт авсан юм.

Гэрийн нөхцөлд арьс, үсээ арчилдаг нууц, биеийн жиндээ хэрхэн анхаардаг, ганцаараа байхдаа юу хийх дуртай, хамгийн сүүлд уншсан ном зэрэг олон сэдвийн асуултад тэр хэрхэн хариулсан бол?

Аав маань хэнэггүйхэн зантай, хүнд гомдол тээдэггүй хүн. Би аавынхаа энэ зан чанарыг дуурайсан гэж боддог” хэмээсэн юм.

Уртын дуучин Г.Эрдэнэчимэг арван найман настай үерүүгээ буцаад очвол өөртөө “Өөрийнхөөрөө бай” хэмээн захина гэв. Хөдөөнөөс хотод оюутан болсон тэрбээр тухайн үедээ юм л бол хацар нь час улаан болоод иччихдэг охин байсан хэмээн дурсамжийн хуудсаа сөхөн ярилаа.

Зөв л байвал бүх зүйл болно гэж итгэдэг тэрбээр урсан өнгөрөх цаг хугацааг үр дүнтэй өнгөрөөхийг хичээдэг аж.

Г.Эрдэнэчимэг “Цагийг зөв өнгөрөөж, хийж буй үйл бүрдээ сэтгэлээ шингээхийг хүсдэг.

Би ээж, аавынхаа санааг хамгийн их чилээдэг ч бас хамгийн их баярлуулдаг охин. Ээж маань намайг зүйр цэцэн үгсээр хүмүүжүүлсэн учир зүйр үгс нь цээжнээс мартагддаггүй.

Аав маань хэнэггүйхэн зантай, хүнд гомдол тээдэггүй хүн. Би аавынхаа энэ зан чанарыг дуурайсан гэж боддог” хэмээсэн юм.

Тэрбээр нэг жилийн хугацаанд ганцхан дууг сонс гэвэл Ногоон дарь эхийн зүрхэн тарнийг сонсоно хэмээгээд бидэнд аялж өгснийг бичлэгийн төгсгөлөөс үзэх боломжтой.

БИЧЛЭГ: