Өнөөдөр аравдугаар сарын 31-н. Сарын сүүлийн өдөр ба долоо хоногийн эхлэл даваа гараг тохиов. Нийслэлчүүд цастай өглөөг эхлүүлсэн ч ажил, хичээл, сургуульдаа явах замдаа “Халтираад гэмтвэл хаана хандах билээ” гэх бодол тээсээр, хамаг биеэ чангалан “оцон шувуу” адил алхлах нь нүдэнд танил. Жил бүрийн өвөл Улаанбаатарчууд ийм дүр зурагтай өнждөг. Гүүр, шат, явган хүний замын гантигнууд хэн сайн гуталтайг нь шалгах шиг цас, мөсөндөө дарагдан торойно.

Зам, гудамж талбайд халтиргаа гулгаа үүсэж осол гэмтлийн эрсдэл нэмэгдэж байгаа тул Нийслэлийн Онцгой байдлын газраас зөвлөмж гаргажээ. Үүнд халтирч унахаас болгоомжлон зөөлөн, резинэн ултай гутал өмсөхийг зөвлөсөн байна.

Гутлын улны сонголтоо хийх байтугай өвлийн гуталтай, гуталгүй өнжих айл Монголд хэд билээ хэмээн санааширмаар...