"Катар 2022" ДАШТ-ий шөвгийн наймын сүүлийн тоглолт 1966 оны дэлхийн аварга Англи болон дэлхийн хоёр удаагийн аварга Францын хооронд болоход 2-1 харьцаагаар Франц хожлоо.

Дэлхийн хамгийн алдартай лигийн хамгийн шилдэг тоглогчдоос бүрдсэн Англи болон Францын тоглолт энэ ДАШТ-ий урьдчилсан финал юм.

Ур чадвар, тактикийн арга ухаан сийлсэн тоглолтын эхний гоолыг 17 дахь минутад Франц оруулсан. Английн хамгаалалтын байрлал алдсан ганц тохиолдлыг төвийн хагас хамгаалагч, 22 настай Орьелен Чуамени өршөөлгүй торгуулийн талбайн гаднаа цохин гоолдов.

Нэгдүгээр үе Францын давамгайллаар ийнхүү өндөрлөв. Харин хоёрдугаар үе эхлээд Англичуудын тактикийн өөрчлөлт үр дүнгээ өгч Букаяо Сака багтаа торгуулийн цохилт авчирсан. Цохилтыг багийн ахлагч Харри Кейн гүйцэтгэн 53 шигшээ багийнхаа төлөө 53 дахь гоолоо оруулснаар бүх цаг үеийн мэргэн бууч Уэйн Рүүнитэй зэрэгцлээ.

Английн бөмбөг эзэмшилт, тоглолт сайн болж байсан ч сөрөг довтолгоо алдаж 78 дахь минутад Оливье Жиру мөргөн гоолдож багтаа дахин манлайлал бий болголоо. Тус гоолоос хэлхэн минутын дараа сэлгээгээр талбайд орсон Мейсон Маунт багтаа торгуулийн цохилт авчирсан боловч Харри Кейн хоёр дахь торгуулиа алдав.

Тооны харьцааг тэнцүүлэх боломжоо алдсан Англичууд цаг дуустал довтолсон ч амжилт олсонгүй. Тоглолт 2-1 харьцаагаар дуусаж Франц хагас шигшээд шалгарч Англи гэртээ харилаа.

Гарааны бүрэлдэхүүн:

Хүснэгт:

Voo аппликейшн татах

• Android
• iOS