Инфляци хөөрөгдөж байгаа гол буруутан нь хүнсний бүтээгдэхүүний үнийн өсөлт болж байна. Тэр дундаа махны үнийн өсөлт. Махны үнэ он гарсаар аажим аажмаар нэмэгдэж байсан бол дөрөвдүгээр cap гарсаар хоног хоногоор нэмэгдсээр кг үхрийн мах 5000 төгрөг давлаа.

Харин хонины мах нийслэлийн зургаан дүүргийн хүнсний зах, худалдааны төвөөр 3600-4500, ямааных 2600-3200, адууных 2800-3800 төгрөгөөр худалдаалагдаж байна. Үхрийн ястай махны үнэ өмнөх долоо хоногоос 310, цул махны үнэ 300 төгрөгөөр өсөв.

Cap шинийн өмнө кг нь 4000 төгрөг байсан үхрийн махны үнэ хоёр сарын дотор 1000 төгрөгөөр нэмэгджээ. Хонь, адуу, ямааны махны үнэ ч 500-1000 төгрөгөөр нэмэгдсэн байна. Нийслэлийн статистикйн газрын гаргасан судалгаагаар кг үхрийн махны дундаж үнэ 2005 оны дөрөвдүгээр сард 2700, 2006 онд 3060, 2007 онд 3125, 2008 онд 4278, 2009 онд 3890 төгрөг байжээ. Тэгэхлээр жил бүрийн дөрөвдүгээр сарын махны ханшны хамгийн өндөр нь энэ жил болж байна. Сонирхуулахад, кг үхрийн мах "Хүчит шонхор", "Баянзүрх" захад хамгийн хямд буюу 4500 төгрөгийн үнэтэй байна.

Б.Мягмансанж http://www.niigmiintoli.mn/