Холливудын жүжигчин, загвар өмсөгч, Украин улсын уугуул Мила Йовович гуравдахь удаагаа нөхөрт гарч байгаа ажээ. Түүний найз залуу кино найруулагч Пол Андерсон зургаан жил хамтран амьдарч, хүүхэдтэй болсон учир албан ёсоор гэрлэхээр болсон хэмээн "Glomu.ru" сайт мэдээлсэн байна. Оддын хурим энэ сарын 22-нд болох гэнэ. Жүжигчин бүсгүй "Бид хуримаа Холливудын толгод дээрх гэртээ даруухан Испанийн сонгодог хөгжмийн чуулгатай тэмдэглэнэ" гэж сэтгүүлчдэд мэдэгдсэн байна.

Дашрамд дурьдахад, Йововичийн анхны нөхөр нь "Цэнхэр далайн буланд эргэж ирсэн нь" киноны дүрээрээ нэрд гарсан жүжигчин Шон Эндрюс юм. Түүнтэй Лас-Вегаст нууцаар гэрлэсэн боловч ээжийнхээ ятгалгаар хэдхэн хоногийн дараа салсан аж. Тэрбээр хоёр дахь удаагаа өөрөөсөө 16 ах Францын кино найруулагч Люк Бессонтой гэрлэж, хоёр жилийн дараа төрхмөндөө буцсан байна.