Лондон хотноо гурав дахь удаагаа зохион байгуулагдаж байгаа Зуны Олимпын наадам маргааш эхлэх гэж байна. Өмнө нь Лондон хотноо1908, 1948 онуудад Олимпын наадам явагдаж байсан бөгөөд ийнхүү гурав дахь удаагаа зохиогдох гэж байгаа нь дэлхий нийтэд хүлээлт үүсгээд байгаа билээ.

Олимпын наадмын нээлтийн болон хаалтын ёслолын ажиллагаа нь “Лондон-2012”-т зориулан бүтээн байгуулсан Олимпын цэнгэлдэх хүрээлэнд явагдах гэж байна. Тус цэнгэлдэх хүрээлэн нь энэ оны тавдугаар сарын 5-ны өдөр буюу Олимпын наадам эхлэхээс 2012 цагийн өмнө нээлтээ хийсэн юм.

Долоодугаар сарын 27-ны өдөр болох Олимпын нээлтийн ёслолын ажиллагаа нь “Гайхамшгийн арал” нэртэй бөгөөд энэхүү арга хэмжээг Их Британийн кино найруулагч Дэнни Бойл найруулан тавьжээ. Нээлтийн ёслолын арга хэмжээг нээж Хатан хаан II Элизабета үг хэлэх бол алдарт дуучин Пол Маккартни ёслолын ажиллагааг хааж ая дуугаа өргөн барих гэнэ.

Наймдугаар сарын 12-ны өдрийг дуустал хоёр долоо хоногийн турш үргэлжлэх тус наадамд дэлхийн  201 орны баг тамирчид оролцох юм.



Олон улсын спортын наадмыг шимтэн хүлээж, эх орноо төлөөлөн оролцох гэж буй баг тамирчдаа дэмжиж байгаа уншигч та бүхэнд Олимпын наадмын тэмцээн уралдаан Лондон хотын ямар ямар цэнгэлдэх хүрээлэн, спортын цогцолборт газруудад зохион байгуулагдах гэж буйг фото мэдээгээр хүргэж байна.

Та бүхэн холбоотой мэдээнээс хүлээн авна уу.

А.Цацрал