Тэквондочид медалийн арвин ургац хураав
Зургадугаар сарын 29-нөөс долдугаар сарын 11-нд БНСУ-д жил бүр уламжлал болон зохиогддог олон улсын тэквондогын нээлттэй фестивальд Монголын тэквондогийн холбооны дэд ерөнхийлөгч С.Ганзориг ахлагчтай баг тамирчид амжилттай оролцоод медалийн арвин ургацтай ирлээ. Их Монгол улс байгуулагдсаны 802, Ардын хувьсгалын 87 жилийн ойн баярт барьсан тэквондочдын бэлэг байлаа.
БНСУ-ын Чонжу хотод болсон тэмцээнээс Батлан хамгаалахын их сургуулийн тамирчин Б.Туяасайхан алтан медаль, мөн Мужү хотод болсон тэмцээнээс монголын тэквондогийн холбооны шигшээ багийн тамирчин Н.Эрдэнэбаатар, Батлан хамгаалахын их сургуулийн тамирчин Д.Лхагвадорж нар алт, С.Эрдэнэбат хүрэл медаль тус тус авчээ. БНСУ-ын Чэжү хотод болдог өсвөрийн олон улсын тэмцээнээс Говь-Алтай аймгийн “Алтайн Барс” клубийн Н.Бямбацогт дасгалжуулагчтай баг тамирчид нэг мөнгө, гурван хүрэл медаль хүртжээ. Бас ОХУ-ын Саха хотод болсон Азийн хүүхдийн наадмаас Цагдаагийн академийн тамирчин Г.Төртулга мөнгөн медаль хүртлээ.

Ч.Лхагваа

Монгол башё
Монголчууд бид зөвхөн телевизээр хардаг сүмочдоо удахгүй дэвжээн дээрээс нь харах боломжтой боллоо. Учир нь Японы сүмо бөхийн холбооноос сүмо бөхөө дэлгэрүүлэхийн тулд гадны улсуудад очиж үзүүлэх тоглолт хийдэг.

Тэд энэ удаагийн тололтоо 8-р сарын 27-28-нд Улсын циркт “Монгол башё” зохион байгуулна. Энэ башёд дээд зиндааны 42 бөхөөс гадна Монголын бүх сүмочид оролцоно. Үүнээс гадна Японы доод зиндааны бөхчүүд, Сүмо бөхийн холбооны удирдлагууд ирэхээр болжээ. Тэд Монгол Улсын ерөнхийлөгчид бараалхаж 29-нд нутаг буцна.

Ж.Батзул