УИХ-ын гишүүн Жудагийн Баярмаа Ардчилсан намын даргад өрсөлдөхөөр болсон талаараа өөрийн цахим хуудаст бичжээ.

Тэрбээр "Хууль, шударга ёсыг тууштай дээдэлсэн,  баян чинээлэг иргэдтэй, уламжлал шинэчлэлийг хослуулсан, хүчирхэг Монголын төлөө Ардчилсан намын даргад өрсөлдөхөөр миний бие шийдвэрлэлээ. 

Эв нэгдэл, үндэсний эрх ашгийг эрхэмлэсэн, үнэт зүйл, үзэл баримтлалын хатуу мөрдлөгтэй, заавал ялдаг стратегитэй намын дарга байх болно.

Ардчилсан намд реформ хийх нь нийгмийн реформыг эхлүүлэх захиалга мөн" хэмээв.

АН-ын даргын сунгаанд одоогийн байдлаар УИХ-ын гишүүн Л.Мөнхбаясгалан, Ч.Лодойсамбуу, О.Алтангэрэл нар нэрээ дэвшүүлэхээ зарласан бол УИХ-ын гишүүн, АН-ын дэд дарга Б.Пүрэвдорж, О.Цогтгэрэл нарын нэр  яригдаж байна. Ардчилсан намын даргыг намын бүх гишүүдийн саналаар сонгоно.