Улаанбаатараас энүүхэн зүүнтэй орших Налайх дүүрэгт хужаа нар олноороо суурьшин амьдарсаар олон жилийг үдэж буй. Хужаа нарын "хороолол" хэмээн нэрлэгдэх болсон Налайх дүүрэг Хангүг үндэстнээр тэлэгдэх нь байна. Налайхаас зүүн тийш сайжруулсан замыг даган их хэмжээний газарт төмөр торон хашаа  тойруулан барьж,  "орохыг  хориглоно"  хэмээн улаанаар будаж тэмдэглэжээ. Тэр бүү хэл унаа тэрэг явахыг хориглож, замыг нь хааж хашаа барьсан байсныг нь жолооч нар бухимдахдаа сэтэлж, чөлөөтэй болгожээ. Эх орноосоо урвагчдын тарьсан гайгаар Монголын минь гаэар шороон дээр харийнхан дураараа дургиж, дунд чөмгөөрөө жиргэх болсны нэгэн тод жишээ энэ болов уу. Увайгүй зантай, авлигач, урвагч нөхөд ийнхүү Налайх дүүргийн 300 га газрыг Солонгосчуудад зарсан нь энэ. Авлигачдыг цатгаж, газар шороонд минь эзэн суусан Солонгос нөхөд тэрхүү газартаа Монгол хүнийг хөл тавиулахгүйгээр барахгүй, уг газартаа орсон нутгийн   иргэдийн мал ахуйг ч хавьтуулахгүй байгаа гэнэ.

Учир нь Солонгос эзэд 300 га газраа "сахиулж"  буй сахиул нартаа ийм үүрэг даалгавар өгсөн бололтой. Энэхүү газарт Солонгосчууд барилгын материалын үйлдвэр байгуулах зөвшөөрөл авсан бөгөөд барилгын ажлаа тун удахгүй эхлэх сурагтай. Хэрэв эрх мэдэлтнүүд эх орон, ард түмнийхээ ирээдүй хойчийг бодсон бол өнөө маргаашаа аргацаах хэдэн төгрөгөөр газар нутгаа наймаалахгүй л байсан нь тодорхой.

Энэхүү үйлдвэр ашиглалтанд орлоо гэхэд барилгын материалын бүхий л түүхий эдийг манай улсаас авна.

Ингэхийн оронд ард түмэн маань өөрсдеө үйлдвэрлэл явуулбал иргэдийн маань амьдрал ахуй тодорхой хэмжээнд дээшлэх нь лавтай. Үүнд Налайхчууд ихэд бухимдацгааж байгаа бөгөөд "эх орондоо амьдрах эрхгүй боллоо. Энэ байдлаараа Налайхад монгол хүн амьдрах газар үлдэхгүй нь хэмээн гомдоллож байна.

Энэ их хэмжээний газрыг аваад зогсохгүй, бүхэл бүтэн үйлдвэрлэл явуулах зөвшөөрлийг авч чадсан харийнхан "авлигачдад" ихээхэн хэмжээний мөнгө атгуулсан нь лавтай. Үүнд анхаарлаа хандуулж, хянаж шалгаж өгөхийг Авлигатай тэмцэх газарт Налайхчууд уламжилсан юм.