Олон улсын хөтөлбөрийн сургалттай ерөнхий боловсролын Шинэ эхлэл сургуулийн энэ хичээлийн жилийн элсэлтийн бүртгэл энэ сарын 21-нд эхэлнэ.

Энэ хичээлийн жилд зургаадугаар ангийн хоёр бүлэгт 45 хүүхэд шалгаруулна. Бүртгэл наймдугаар сарын 21-ний өдрөөс 27-ны өдрийг дуустал Шинэ эхлэл сургуулийн 16 тоот өрөөнд явагдана.

2019-2020 онд тавдугаар анги төгссөн, жилийн эцсийн дүнгийн голч дүн нь 90 болон түүнээс дээш бол бүртгүүлэх боломжтой.

Элсэлтийн шалгалт наймдугаар сарын 29-ний өдөр болох бөгөөд шалгалтыг зөвхөн математикийн хичээлээр 30 даалгавартай 80 минутын хугацаанд зохион байгуулна.

Тус сургуульд бүртгүүлэхдээ дараах материалыг бүрдүүлэн, суралцах хүүхэд өөрийн биеэр очно.

Бүрдүүлэх материал:

1. Эцэг эх, асран хамгаалагчийн уг сургуульд сурахыг нь дэмжсэн хүсэлт
2. Сурагчийн төрсний гэрчилгээний хуулбар эх хувийн хамт
3. Сурагчийн хувийн хэрэг эх хувиараа
4. Тавдугаар ангийн голч дүн 90 болон түүнээс дээш болохыг баталсан захирал эсвэл сургалтын менежерийн тодорхойлолт
5. Бүртгэлийн хураамж 25000 төгрөгийг Төрийн сан банк 100900015043 тоот дансанд тушаасан баримт.

Бүртгэлтэй холбоотой мэдээллийг тус сургуулийн албан ёсны веб хуудсаас авах боломжтой.

Б.Мөнхсарнай