Сөүл-Улаанбаатар чиглэлийн тусгай нислэг орон нутгийн цагаар 18:42-т Инчеон олон улсын нисэх буудлаас хөөрчээ. 

Улаанбаатарын цагаар 21:00 орчимд Буянт-Ухаа олон улсын нисэх буудалд газардахаар төлөвлөөд буй тусгай нислэгээр долоон улсаас иргэдээ эх орондоо ирнэ.

Өнөөдөр 12:50 цагт Улаанбаатараас хөөрсөн МИАТ ТӨХК-ийн онгоцоор нийт 224 хүн, нисэх багийн хамт БНСУ-г зорьсон. Тусгай нислэг Солонгосоос 14:20 цагт хөөрч 17:00 цагт Улаанбаатарт газардахаар төлөвлөөд байсан боловч, товлосон цагаас хойшилж хөөрсөн талаар flightradar24.com сайтад мэдээлжээ. 

Сөүл-Улаанбаатар чиглэлийн тусгай нислэг ойролцоогоор 45 минутын дараа Буянт-Ухаа нисэх буудалд газардана. Яг одоо МИАТ ТӨХК-ийн OM302 дугаартай нислэг Дорноговь аймгийн Дэлгэрэх сумын нутаг дээгүүр нисэж байна. 

Сөүл-Улаанбаатар чиглэлийн тусгай нислэгээр долоон улсаас нийт 278 иргэнээ эх оронд нь авчирлаа.

Өнөөдөр 12:50 цагт Улаанбаатараас хөөрсөн МИАТ ТӨХК-ийн онгоцоор нийт 224 хүн, нисэх багийн хамт БНСУ-г зорьсон бол 273 иргэнээ эх оронд нь авчирч байна. 

Ийнхүү чартер нислэгээр эх орондоо ирээд буй иргэдийн тоо 2129 болоод байна.

Улсын Онцгой комиссын шийдвэрээр ойрын хугацаанд гурван нислэгээр иргэдээ авахаар болсон. Эхний нислэгийг өнөөдөр хийсэн бол тавдугаар сарын 1-нд Сөүл-Улаанбаатар чиглэлийн нислэгээр 271, тавдугаар сарын 2-нд Франкфурт-Улаанбаатар чиглэлд 263 иргэн эх орондоо ирнэ.

Сөүл-Улаанбаатар чиглэлийн тусгай нислэг 20:40 цагт Буянт-Ухаа нисэх буудалд газардсан бөгөөд нислэгээр ирсэн иргэдийг шууд тусгаарлана. Мэргэжлийн хяналтын байгууллагаас нислэгийн явцад болон Инчеон, Буянт-Ухаа боомтод ажиллаж, зорчигчдын биеийн байдалд хяналт тавин тандалт хийн ажиллаж байна. 

Цагдаагийн ерөнхий газраас иргэдийг тусгаарлах үйл ажиллагаанд хамгаалалтын үүрэг гүйцэтгэж байгаа бөгөөд хоёр автобус зорчигчийг тусгаарлах байранд хүргэхээр явсан гэдгийг мэдээллээ. Тусгаарлах байр руу хүргэхийн тулд иргэдийг хянаж, нэг автобусанд зарцуулах хугацаа ойролцоогоор 30-45 минут зарцуулж байна гэдгийг ЦЕГ-аас мэдээллээ. 

Тусгай нислэгээр ирсэн иргэдийг 21 хоног тусгаарлах бөгөөд нийт 7 байршилд тусгаарлан байрлуулна гэдгийг Цагдаагийн Ерөнхий газрын Нийтийн хэв журам хамгаалах, олон нийтийн аюулгүй байдлыг хангах албаны дарга, цагдаагийн хурандаа Ж.Амгалан мэдээллээ. 

Мөн ХӨСҮТ-өөс гурван отряд иргэдийн халуун, биеийн байдлыг хянаж ажиллаж байгаагаас гадна ЗӨСҮТ тусгай нислэгийн явцад үүрэг гүйцэтгэж байна.