2023 оны 11, 12 сараас Монгол орон даяар их хэмжээний хур тунадас орж, нийт нутгийн 80 хувьд цасан бүрхүүл тогтсонтой холбоотой малчин ард иргэд мал бэлчээх боломжгүйд хүрсэн. Монбийф үхрийн ферм хүйтний эрч чангарч, өвөлжилт хүндэрч байх үед малын тарга тэвээргийг хадгалахад, мөн хаврын урт өдрүүдэд өвөл ядарсан малыг тэнхрүүлэхэд хэрэгтэй зөвлөгөөг цувралаар хүргэж байна. Монбийф брэндийн үхрийн ферм нь хөдөө аж ахуйн кластер системийг бүрдүүлэн ажилладгаар онцлогтой бөгөөд өвлийн цагт үхрийн арчилгаанд зайлшгүй хийгддэг ажлуудаас дурдвал :

Дулаан хэвтэр бэлдэх - Цас ихтэй, хүйтний эрч чангарсан үед ч,  хүйтэн салхи хаврын урт өдрүүдэд, өвс тэжээлийн бэлтгэл сайн байхаас гадна олон чухал хүчин зүйлүүд үхрийн тэнхээ муудах, ядарч сульдахаас хамгаалдаг. Сүрэл дэвсэн үхэртээ хэвтэр бэлдэж өгснөөр, биеийн илчийг бууруулахгүй, тарга тэвээргээ алдахгүй байх давуу талтай. Нөмөрлөх хашаагүй тохиолдолд сүрлийг зузаан дэвсэж, нэмнээ өмсгөн, ойр ойрхон цэвэрлэснээр үхрийг хэт даарахаас сэргийлж болно.

Бүлээн ус уулгах - Үхрийн идэх өвс тэжээл хангалттай байхаас илүү нэн чухал зүйл нь БҮЛЭЭН усыг тогтмол уулгах юм. Бүлээн усаар усалснаар, идсэн тэжээлээ задалж биедээ шимэгдүүлэхэд нэмэртэй бөгөөд үхэр энерги, хүч тамир алдахаас маш сайн сэргийлдэг. Иймд малаа услахдаа, ялангуяа хаврын цагт усаа халааж өгөх нь тамир нэмдэг давуу талтай.

Тэжээлийг жижиглэж өгөх - Өвлийн хүйтэнд тамираа барсан, хүч муутай малууд болон, бага малуудынхаа тэнхээг дэмжих үүднээс өвс тэжээлийг нь жижиглэж өгөх нь өндөр үр дүнтэй байдаг.

Тэжээлийн тэвш дүүрэн байх - Үхэр нь өөрөө хивэгч амьтан тул өдөрт бага багаар маш олон удаа өвс тэжээлээ иддэг гэдгийг санах нь зүйтэй.

Монбийф үхрийн ферм

Монбийф брэнд нь эрчимжсэн мал аж ахуйг Монгол улсдаа анхлан хөгжүүлж, хөдөө аж ахуйн кластер системийг бүрдүүлэн эмийн болон антибиотикийн үлдэгдэлгүй эрүүл, чанарын баталгаатай үхрийн махыг хэрэглэгчдэд хүргэн ажиллаж байна. Нийт мэргэжилтнүүдийнхээ тусламжтайгаар 1100 үхэр тэжээх хүчин чадалтай, үхрийн ая тухтай байдлыг хангасан орчныг бүрдүүлэн, өвлийн бэлтгэлд намраас эхлэн бэлтгэж ажилласан. Дээрх арга хэрэгслүүдээс нэвтрүүлэн, нөмөртэй газар үхрийн фермээ байгуулсан бөгөөд наран ээвэр газар, битүү сүрэл дэвссэн орчинд үхрүүдээ дулаан тухтай байх орчныг хангалаа. Мөн гүний усыг татаж, усны халаагуурт халаан, бүлээн усаар услан, Монгол орны хөрсөнд ургасан эрдэс, витаминуудаар баялаг ногоон тэжээл, буудай, дарш зэргээр тэжээлийн жор боловсруулж үхэр идэхэд тохиромжтойгоор 7-10 см жижиглэн өгдөг бөгөөд, мөн тэжээлийн тэвшийг дүүрэн байлгаж, ямар ч үед тэжээлээ идэх нөхцлийг бүрдүүлж өгснөөр үхэр нь жин алдахгүй байх, хүйтэн сэрүүний улирлыг өнтэй давахад нэн чухал байгаа болно.