Даваа гарагт Берлин хотноо болсон АНУ, Европын холбоотнууд болон Украины талуудын уулзалтаар АНУ Киевт НАТО-ийн хэмжээний аюулгүй байдлын баталгаа санал болгожээ.

Трампын илгээсэн тусгай элч тэргүүтэй төлөөлөгчид урьд өмнө байгаагүй санал тавьсан гэж мэдээлсэн ч энэ боломж нь хэлэлцээний ширээнд "үүрд нээлттэй байхгүй" гэдгийг анхааруулжээ. 

Түүнчлэн Европын холбоотнууд дээрх уулзалт нь дайныг дуусгах яриа хэлэлцээнд том ахиц гаргасан гэдгийг онцолж байна.

Холбогдох асуудлаар АНУ-ын ерөнхийлөгч Дональд Трамп "Бид энхийн хэлэлцээр хийхийг хичээж байна. 

ОХУ-ын ерөнхийлөгч Путинтэй олон удаа ярилцсан. Миний бодлоор бид үр дүнд хүрэхэд урьд өмнөхөөсөө илүү ойртоод байна" гэв.

Европын холбоотнууд Украины аюулгүй байдлын баталгааны тал дээр Европын удирдсан олон улсын энхийг сахиулах хүчнийг багтаах ёстой гэж санал нэгдсэн байна. 

Уулзалтын дараа Германы Канцлер Фредрих Мерц "Дайн эхэлснээс хойш гал зогсоох боломж анх удаа бодитой харагдаж байна" гэжээ. 

Харин Польшийн ерөнхий сайд Дональд Туск “Анх удаа АНУ-ын төлөөлөгчдийн амнаас Украинд аюулгүй байдлын баталгаа өгнө гэсэн үг сонслоо" хэмээн онцолжээ.

Хэдийгээр АНУ-ын талаас аюулгүй байдлын томоохон баталгаа санал болгосон ч Украины газар нутгийн асуудлаар тодорхой шийдэлд хүрээгүй хэвээр байна. 

Эх сурвалж: Reuters