Нийслэлийн Онцгой байдлын газрын нийт бие бүрэлдэхүүн 2015 оны арванхоёрдугаар сарын 28-ны өдрийн 09 цагаас 2016 оны нэгдүгээр сарын 4-ний өдрийн 09 цаг хүртэл албаны өндөржүүлсэн бэлэн байдлын зэрэгт үүрэг гүйцэтгэхээр болжээ.

Нийслэлийн Онцгой байдлын газрын дарга онцгой байдлын хурандаа Н.Уламбаяр дүүргүүдийн Онцгой байдлын хэлтэс, нийслэлийн аврах ангийн бүрэлдэхүүн, төв байрны албан хаагчдад шинэ жилийн баяр амралтын өдрүүдэд бэлтгэл бэлэн байдлаа хангаж ажиллахыг үүрэг болгожээ.

Мөн арванхоёрдугаар сарын 31-ний орой нийтийг хамарсан  баярын  арга хэмжээ зохион байгуулах газруудад гамшгаас  хамгаалах болон, гал түймрийн улсын хяналтыг хэрэгжүүлэх чиглэлээр холбогдох албан тушаалтнуудад үүрэг өглөө гэж Нийслэлийн Онцгой байдлын газраас мэдээллээ.