Нийтлэг гутал арчилах аргуудаас:

• Өдөрт ядаж нэг удаа гутлаа эргүүлж байх. Учир нь хүн алхахад гутлын материал агшиж байдаг. Тиймээс гутлаа эргүүлэхэд гутал хуучин хэвэндээ очдог.
• Арьсан гутлаа нэг өдөр өмсчөөд маргааш нь амрааж байгаарай. Арьсан гутал нь хөлийн чийгийг шингээж авж байдаг тул амарж байх үедээ шингээж авсан чийгээ гадагшлуулдаг.  
• Хэрвээ арьсан гуталтай бол гуталаа гутлын модонд хийж байх. Учир нь гутлын мод нь гутлын чийгийг өөртөө шингээж авдаг. Хэрвээ арьсан гутал нь нэвт норсон бол зориулалтын гутал хатаагч хэрэглэх. Өрөөний хэвийн дулаанд хатаах хэрэгтэй бөгөөд наранд тавьж болохгүй. Нарны туяа нь арьсыг агшааж, үрчийлгэж, хатууруулж хагалдаг.
• Гутлаа эрүүл хадгалахад гутлын модыг хэрэглэхийг зөвлөж байна. Гутлын мод нь гутлын хэлбэрийг хадгалж, чийгийг хурдан хатаадаг. Гутлын мод нь пластик болон модон гэсэн 2 төрөл байдаг. Пластик гутлын мод нь хөнгөн учраас аялалд авч явбал тохиромжтой. Модон гутлын мод нь илүү сайн сонголт юм, учир нь энэ нь гутлын чийг болон үнэрийг шингээж авах чадвартай.
• Гутал өмсөхдөө өсгийвч хэрэглэх хэрэгтэй, учир нь энэ нь гутлын арыг эвдрэхээс хамгаалдаг.
• Аялахдаа гуталаа гутлын уутанд хийх хэрэгтэй, учир нь энэ нь гутлаас унасан шороог хувцастай холилдохоос хамгаалдаг.
• Ус, шороо, цас, эсвэл давснаас үүсэх толбоноос хамгаалахын тулд уснаас хамгаалах зориулалтын бүтээгдэхүүнийг хэрэглэх хэрэгтэй. Халаагчаар арьс болон элгэн гутлыг хатааж болохгүй.
• Удаан хугацаагаар гуталаа өмсөхгүй бол гуталаа цэвэрлэж, хатаан гутлын модонд зохистой хадгалах хэрэгтэй. Гутлын мод нь гутлын хэлбэрийг хадгалахад тусална. Гутлыг тоос шорооноос хамгаалахын тулд агаар оруулдаг гутлыг хайрцаг юм уу уутанд хадгалах хэрэгтэй. Энэ нь гутлыг хөгзрөх болон зураас гарахаас хамгаална. 

Модон гутлын мод      Пластик гутлын мод