Удаан хугацаанд яригдсан Apple TV-ийн шинэчлэлтийн тухайд хэрэглэгчид олон зүйлсийг хүлээж байгаа. Аппликейшн ажиллуулж, кабелын үйлчилгээ санал болгох зэргийг бид хүлээж байгаа ч 4К бичлэг дэмжихгүй аж.

Хэд хэдэн компани өөрсдийн 4К телевизорыг танилцуулж, 4К зөөврийн компьютер хүртэл худалдаанд гарсан энэ үед үүнийг сонсоход бага зэрэг харамсалтай байж болох юм. Гэхдээ Жонн Пакзовскигийн хэлснээр “Apple TV 1080 пиксел чанартайгаар худалдаанд гарна. Учир нь 4К технологи хөгжлийнхөө өндөр түвшинд хараахан хүрээгүй байна” гэжээ.

Хэдийгээр төхөөрөмжид 4К дүрсийг дэмжих чадалтай А8 чип суурилна гэж яригдаж байгаа ч зах зээл бэлэн болоогүй аж. Амазон, Netflix хүртэл хангалттай их хэмжээний 4К контентгүй байгаа нь бас нэг асуудал юм.

Мэдээж хэрэг ийм төрлийн контент үйлдвэрлэгчид бүтээгдэхүүнээ дамжуулахын тулд энгийн хэрэглэгчид 4К бичлэгийг ямар ч саадгүй хүлээн авч чадах өндөр хурдны сүлжээнд холбогдсон байх ёстой.

Эх сурвалж: