Өнгөрсөн онд Нью Йоркийн хөрөнгийн бирж дээр хувьцаагаа гаргаж дэлхийн хамгийн том технологийн компаниудын нэгт зүй ёсоор тооцогдох болсон Алибаба групп Хятадын ухаалаг утас үйлдвэрлэгч Meizu-д 590 сая ам. долларын хөрөнгө оруулахаар болжээ.

Алибаба өөрсдийн ухаалаг утас, ухаалаг телевизорт зориулсан Yun үйлдлийн системээ ийнхүү илүү дэлгэрүүлэх боломжтой болж байна.

Ганцхан сарын дотор 1,5 сая Андроид үйлдлийн системтэй утас борлуулсан Meizu компани ийнхүү Алибабатай хамтран ажиллахаар болж байна. Xiaomi-тай адил онлайнаар бүтээгдэхүүнээ борлуулдаг Meizu хэдийгээр Хятадын хамгийн шилдэг таван ухаалаг утас бүтээгчдийн нэг биш ч гэсэн тэдэнд том ирээдүй бий.

Алибаба өөрсдийн ухаалаг утас, ухаалаг телевизорт зориулсан Yun/орчуулга: Үүл/ үйлдлийн системээ ийнхүү илүү дэлгэрүүлэх боломжтой болж байна.

Компанийн мэдэгдсэнээр “Алибаба Групп цахим худалдааны салбарын тухай мэдээлэл, хөдөлгөөнт интернет, хөдөлгөөнт төхөөрөмжийн үйлдлийн систем, мэдээллийн анализ зэрэг бүхий л төрлөөр Meizu компанид тусалж, тэднийг хөгжүүлэхэд дэм болно” гэжээ.

Алибаба группийн технологийн салбарын захирал Жиан Ван “Бид Meizu-д хөрөнгө оруулснаар хөдөлгөөнт төхөөрөмжийн зах зээлд том байр суурь эзлэх боломжтой” гэсэн юм.

Зах зээлийн үнэлгээгээр Amazon-ыг ардаа орхисон Алибаба групп “Таобао”, “T-Mall” зэрэг цахим худалдааны сайтуудаараа ихээхэн алдартай. Өмнө нь хэд хэдэн удаа Meizu-д хөрөнгө оруулах тухай Алибаба цухуйлгаж байсан ч 12 жилийн түүхтэй утас үйлдвэрлэгч зөвшөөрөөгүй билээ.

Харин одоо тавхан настай Xiaomi-д байр сууриа алдсан компани Хятадын хамгийн том технологийн компанид “дагаар орж” байна. Дээрээс нь 2012 онд “хангалтгүй” гэсэн шалтгаанаар Acer-ийн үйлдвэрлэж байсан ухаалаг утасны үйлдлийн систем болж чадаагүй “Yun” үйлдлийн системийг ашиглах юм.

Мэдээж хэрэг Хятадын асар том зах зээл дээр Apple, Samsung, Lenovo, Xiaomi-гийн ард орж байгаа Meizu-д хөрөнгө оруулалт хийнэ гэдэг Алибабагийн хувьд том эрсдэл хүлээж байгаа хэрэг.

Гэхдээ Tango гэх аппликейшн бүтээгчид 280 сая ам. доллар, Кабам тоглоом үйлдвэрлэгчид 120 сая ам. доллар, Андроид тоглоомын консол бүтээгч Ouya-д 10 сая ам. долларын хөрөнгө оруулж байсан Алибаба төхөөрөмж бүтээгч хамтрагчаа нэгээр нэмж байна.

Магадгүй тэд Хятадын зах зээлд хүчирхэгжиж чадвал, Энэтхэг, АНУ гээд төвшин ахих биз.

Эх сурвалж: