Өмнөд Африкийн 69 настай Фрикки Вон Солмс нэртэй нэгэн эр эхээсээ өнчирсөн гүегийг үрчлэн авч Зион хэмээн нэрийджээ. Зион өдгөө 11 настай том арслан болжээ.

Хүн араатан хоёрын дунд баймааргүй найрсаг харилцаатай тэд эрхэлж, зугаалах дуртай аж. Вон түүнтэй хамт зугаалахдаа үргэлж гутлаа тайлдаг байна. Учир нь гутлын чимээ том муурт таалагддаггүй аж.

Фрикки Вон Солмс өмнө нь 19 арслан, бар, ирвэс өсгөж байсан туршлагатай нэгэн аж. “Зион бид хоёрын харилцаа өмнө нь өсгөж байсан амьтдынхаас илүү өвөрмөц. Түүнээс би маш их зүйл сурсан” гэжээ.

Мөн тэрээр “Арсланг хүмүүс арслан л гэж боддог. Өөрөөр хэлбэл тэднийг сэтгэл зүрхгүй гэдэг. Харин ч хүн шиг баярлаж, гунигладаг юм. Тэд том биетэй найрсаг амьтад. Зион хүн уруу дайрч байсан удаагүй, тэгэхгүй гэдэгт нь ч би итгэдэг” хэмээжээ.
 

Эх сурвалж: www.dailymail.co.uk