Шадар сайд С.Амарсайхан "Хүний өмнөөс шинжилгээ өгдөг, шинжилгэээ авахдаа иргэдээс мөнгө авдаг, ар өврийн хаалга хэрэглэдэг ноцтой асуудлууд ХӨСҮТ-д удаа дараа гарч байгаа учраас тандалт судалгааны ажлыг үр дүнгүй болгоод байна" гэв.

Тодруулбал, ХӨСҮТ-ийн ажилтан танил талаараа өөр хүний шинжилгээг аваад байна. Нөхрийнхөө өмнөөс эхнэр нь шинжилгээ өгчихдөг.  Нөхөр нь зүгээр гээд хөдөө яваад байдаг. Гэтэл эхнэр нь нөхрийнхөө өмнөөс 2-3 удаа өгсөн шинжилгээний хариу нь эерэг гараад байна. Бид халдварын ойрын болон дам хавьтлаа хөөж байна гэсээр суутал батлагдаагүй тохиолдол гэж үзэж буй нь хөдөө явсан байх тохиолдол байна. Энэ мэтээр батлагдаагүй тохиолдол гэж үзсэн иргэний шинжилгээний хариу эерэг болж, энэ тэнд халдвар бүртгэгдэж буйн шалтгаан энэ. Мөн хариуцлагатай байх ажилчид өөрсдөө хариуцлагагүй үйлдэл гаргаж буй учраас халдварын тархалт буурахгүй байгааг тэрээр онцоллоо.

Тавдугаар сарын 1-нээс эхлэн орон нутгийн эмч, сувилагчдийн төлөөллийг Улаанбаатарт ирүүлж, вакцинжуулна. Тэд орон нутагт вакцин хийхдээ чадавхжсан байх ёстой.  Тэднийг ирэхээр байр, хоолны мөнгөгүй гэж жижиг асуудал яриад байж болохгүй. Мөнгөний асуулыг шийдэж өгч байгаа. Цаана нь эрх ашигтай холбоотой асуудал бий гэж харж байна. Завханд халдвар авсан хүмүүсээ эмчилж болж байгаас боломжтой гэдэг нь харагдаж байна" гэв.