Монгол Улсын урлагийн гавьяат зүтгэлтэн, хөгжмийн театрын найруулагч Лхагвын Эрдэнэбулган таалал төгсжээ. 
"Үхэж үл болно", "Чин ван Ханддорж" зэрэг 10 гаруй кинонд найруулагчаар ажилласан тэрбээр УДБЭТ-т "Севилийн үсчин", "Тоска", "Ламбугайн нулимс", "Хөхөө намжил", "Чингис хаан" зэрэг дууриудыг найруулж, "Фауст", "Чио чио сан", "Шивээ хиагт" зэрэг бүтээлүүдэд тоглож байсан юм.

Тэрбээр 1988 онд "Үүлэн заяа" дуурийг амжилттай найруулан тавьсан тул Соёлын яам, МУАХ-ны оны шилдэг уран бүтээлийн шагнал хүртсэн бол 1992 онд Монгол Улсын Урлагийн гавьяат зүтгэлтэн цол тэмдгээр шагнуулсан байна.