Экологийн цагдаагийн албанаас “Цэнхэр алт, Усаа хайрлая” аянд зориулсан өдөрлөг зохион байгууллаа.

Монгол Улсын Засгийн газрын 2020 оны 03 дугаар тогтоол, Хууль зүй, дотоод хэргийн сайдын энэ оны A/09 дүгээр тушаалаар цагдаагийн төв байгууллагын бүтцэд хүрээлэн буй орчныг хамгаалах , энэ төрлийн гэмт хэрэг, зөрчилтэй тэмцэх, урьдчилан сэргийлэх чиг үүрэг бүхий “Экологийн цагдаагийн алба”-ыг байгуулсан.

Энэхүү алба анх цагаасаа  байгаль орчноо хамгаалах, зөв  зохистой харьцах, хойч үедээ эрүүл цэвэр байгаль үлдээх зэрэг экологийн боловсрол олгох зорилготой  аян ,хөдөлгөөнийг эрчимтэй зохион байгуулж нийгмийг нийтээр нь байгаль хамгаалах, хайрлах боловсролд сургахаар ажиллаж байна.

Өмнө нь Экологийн цагдаагийн алба “таны дуу хоолой байгалийг хамгаалж чадна” уриан дор “Ногоон дуу хоолой” аяныг нэг сарын хугацаанд амжилттай зохион байгуулжээ.

Харин энэ удаа тус алба “Цэнхэр алт Усаа хайрлая” аяныг eсдүгээр сарын 4-өөс аравдугаар сарын 5-ны хооронд мөн адил нэг сарын хугацаанд зохион байгуулж өнөөдөр “Blue Sky” зочид буудалд хаалтын ёслол хийж ,ирсэн зочидод тайлангаа тавьлаа. Өдөрлөгт Засгийн газрын хэрэгжүүлэгч агентлаг, Усны газрын дарга Ш.Мягмар, Экологийн цагдаагийн албаны дарга хурандаа Ц.Ням-очир, Экологийн цагдаагийн албаны урьдчилан сэргийлэх, хамтран ажиллах хэлтэсийн мэргэжилтэн Б.Анура зэрэг зочид төлөөлөгчид хүрэлцэн ирж үг хэллээ.

Засгийн газрын хэрэгжүүлэгч агентлаг, Усны газрын дарга Ш.Мягмар:                
Манай орон гэлтгүй дэлхий нийтээр энэ цэнхэр алт гэж нэрлэгдээд байгаа усыг зөв зохистой хэрэглэх, цэвэр усны нөөцөө хэрхэн зарцуулах нь тулгамдсан асуудлын нэг болоод байна. Үүний хүрээнд хийгдэж байгаа олон ажлууд байна. Манай улсын усны нөөцийн 70 гаруй хувь нь Алтай, Хангай, Хэнтий, Хөвсгөл зэрэг өндөр уулын бүсэд бий. Говь тал хээрийн бүсэд гадаргын ус маш бага байдаг учраас газар доорхи буюу гүний усыг тодорхой хэмжээнд ашигладаг. Энэ жил манай яамнаас хийсэн нэг том ажил бол Монгол орны 13 голын 33 байршилд урсацын тохируулга хийх боломж байна гэдгийг илрүүлсэн. Үүүгээрээ бид усыг алсан зайнд дамжуулан хүргэх боломжтой гэж үзэж байгаа. Эхний хийсэн ажил маань гэвэл Дорнод аймгийн Баяндун сумын Улз голыг сэргээх ажил хийгдэж байна. Улз гол маань сүүлийн 10 жил 40 гаруй километр газар тасарсан тэр хэсгийн урсацыг сэргээх ажил хийгдэж байна.

- Манай улс саарал усыг дахин ашиглах талаар ямар нэгэн ажил хэрэгжүүлж байгаа юу?
Саарал усны ашиглалт бага байна. Томоохон үйлдвэрүүд өөрсдийн хэрэглэсэн усаа дахин хэрэглэж байгаа. Харин одоогоор төв цэвэрлэх байгууламжаас гарсан саарал усыг бол дахин ашигласан тохиолдол байхгүй байна. Гэхдээ 2021-2026 оны Мянганы сорилын сангийн хоёр дахь гэрээгээр бол хоногт 50 мянган шоо метр саарал усыг цэвэршүүлээд цахилгаан станцын хөргөлтөнд өгснөөр саарал усны дахиш ашиглалт нэмэгдэнэ гэж ойлгож болно.

Экологийн цагдаагийн албаны урьдчилан сэргийлэх, хамтран ажиллах хэлтэсийн мэргэжилтэн Б.Анура:
Олон улсад гаргасан маш олон судалгаа бий. Ази тивийн орнууд дунд 2030 он гэхэд цэвэр усны нөөцгүй болж болзошгүй эхний 20 оронд манай улс багтаал байна. Бид усыг хайрлаж хамгаалах тал дээр 40 гаруй видео контент, 100 гаруй зурагт хуудсуудыг олон нийтийн мэдээллийн хэрэгсэл болон цахим сүлжээгээр цацаад байн. Энэ ажил маань ч бас амжилттай болж нийт 7,2 сая үзэлт хүрсэн.

Иргэдийн зүгээс усыг зөв зарцуулах, усаа хэрхэн гамнах талаар заавар зөвөлгөөг дагаж, амьдралдаа хэрэгжүүлж байгаа талаараа тус аяны цахим хуудсанд талархсан сэтгэгдлээ ирүүлсээр байгаа талаар энэхүү өдөрлөг дээр онцоллоо. 

М.Алтанцоож