Нийслэлийн мэргэжлийн хяналтын газраас өнгөрсөн мягмар гаригт "Эйч энд эйч фүүдс" компанийн "Баянзүрх" худалдааны төвийн үйл ажиллагаа болон худалдаалж буй бүтээгдэхүүний чанар, аюулгүй байдалд шалгалт хийж, үйл ажиллагааг нь түр хугацаагаар зогсоожээ.

Шалгалтад тус худалдааны төвийн мах, сүү, хүнсний ногоо, жимс жимсгэнэ, талх, нарийн боовны нийт 105 лангууг хамруулахад эрүүл ахуй, аюулгүй байдлын шаардлага хангаагүй дүнтэй гарсан байна.

Тодруулбал, бараа бүтээгдэхүүн хадгалах агуулахгүйгээс түрээслэгчид лангууны ойр орчмын зай талбайд их хэмжээний хүнсний бүтээгдэхүүн, сав баглаа боодол, тоног төхөөрөмжийг хадгалж, стандарт, бүтээгдэхүүний хадгалалтын нөхцөл зөрчиж худалдаа үйлчилгээ явуулж байсан дутагдал
илэрчээ.

Дээрх зөрчлийг арилгуулахаар улсын байцаагчийн актаар холбогдох хууль тогтоомжийн дагуу арга хэмжээнүүдийг авсан байна.

Г.Долгорсүрэн http://www.niigmiintoli.mn/