Олон жилийн дундаж байдлаар агаарын температурын сарын дундаж нь Увсын зүүн, Завхан, Баянхонгорын хойд хэсгээр 16-19, Ховд, Говь-Алтай, Баянхонгор, Өвөрхангай, Дундговь, Дорноговийн өмнөд хэсэг, Өмнөговийн нутгаар 2-8, бусад нутгаар 9-14 градус хүйтэн байдаг.

Олон жилийн дунджаар 11 дүгээр сард ихэнх нутгаар 2-8 см зузаан цас тогтдог боловч цас их орсон жил 20 см хүрдэг. Цасан шуурга жил бүр 2-5 удаа, зарим жил 6-8 удаа ажиглагддаг байна.

Баруун зүгийн нутаг
Агаарын температурын сарын дундаж нь Хангайн уулархаг нутгаар 14-19, Ховд, Говь-Алтай, Баянхонгорын өмнөд хэсгээр 2-7, бусад нутгаар 8-13 градус хүйтэн буюу ихэнх нутгаар олон жилийн дунджаас 1.0-1.5 градусаар дулаан байна.

Төвийн нутаг
Агаарын температурын сарын дундаж нь Хөвсгөлийн уулархаг нутгаар 13-18, бусад нутгаар 8-13 градус хүйтэн байх бөгөөд ихэнх нутгаар олон жилийн дунджаас 0.5 1.0 градусаар дулаан байна.

Зүүн зүгийн нутаг
Агаарын температурын сарын дундаж нь ихэнх нутгаар 8-13 градус хүйтэн байх буюу Хэнтийн ихэнх нутаг, Сүхбаатарын баруун хэсгээр олон жилийн дунджаас 0.5-1.0 градусаар дулаан, бусад нутгаар дунджийн орчим байна.

Эх үүсвэр: Ус цаг уур, орчны шинжилгээний газар