Пицца Хат дэлхийг тойрон шинэчлэлийг үргэлжлүүлсээр Төв Азийн зүрхэнд орших манай Монгол улсад  хамгийн амттай пицца, дээд зэргийн шуурхай үйлчилгээтэйгээ хамт ирлээ.

Дэлхийн 100 гаруй улсад 15000 орчим салбартай хамгийн том пиццаны сүлжээ “Pizza Hut Delivery” Монголд нээгдэж албан ёсны нээлт 7 сарын 14-д болж өндөрлөлөө. Хүн бүхний хүсэн хүлээсэн дэлхийн №1 пицца Пан Пиццаны гайхалтай амтыг мэдрэх завшаан 7 сарын 10-ны өдрөөс эхлэн Монголын хэрэглэгчидэд хүрсэн бол одоо 3,4-р хороололд байрлах эхний салбар үйлчлүүлэгчдээр дүүрч, дэлхийд гайхагдсан амтыг нь мэдрэх хүсэлтэй зуу зуун зочид Pizza Hut Delivery-г зорьсоор байна.

Нээлтийн үйл ажиллагаанд АНУ-аас Монголд суугаа бүрэн эрхт элчин сайд хатагтай Кэмбэлл, Баянгол дүүргийн засаг дарга Д.Оросоо, Yum брэндийн Ази хариуцсан гүйцэтгэх захирал ноён Випул Чаула болон Таван Богд Фүүдс Пицца компанийн гүйцэтгэх захирал хадагтай Д.Хулан нар хүрэлцэн ирж Монгол дахь анхны Пицца Хат Хүргэлтийн салбарын нээлтийн туузыг хайчилснаар хэрэглэгчиддээ үүд хаалгаа нээлээ. Мөн Yum Asian Brand! International–н төлөөлөгчид хүрэлцэн ирж шинэ салбарын нээлтийн баяраа хэрэглэгч, харилцагч нартайгаа хуваалцлаа.

Нээлтийн үйл ажиллагааны үеэр Морин Хуур чуулгын хөгжимчин, СТА Н.Ашид болон Шанз 3 хамтлагын хөгжимчид гайхалтай аялгуугаар бэлэг барьсан юм. Пицца Хатын хамт олон хэрэглэгчиддээ СЮРПРИЗ барин азтан тодруулж дэлхийн №1 Пицца Хатын 7 төрлийн пан пиццаг азтанууддаа гардууллаа.  

Yum! Brands-ийн KFC сүлжээг амжилттай нэвтрүүлсэн туршлагыг үнэлж Таван Богд Фүүдс компанид Пицца Хат Хүргэлтийн франчайзын эрхийг албан ёсоор гардуулсан байна.
Таван Богд Фүүдс Пицца компанийн гүйцэтгэх захирал хадагтай Д.Хулан : “Бидэнд энэхүү гайхалтай боломжийг олгож хамтран ажиллах болсонд баяртай байна. Бид энэ жилдээ Хороолол, 25-р эмийн сан, Хотын төв, Олимпын гудамж, Зайсан гээд нийт 5 хүргэлтийн салбар нэхээр төлөвлөсөн. Ирэх таван жилийн дотор нийт 15 салбартай болохоор зорин ажиллаж байна” хэмээн сэтгэгдлээ хуваалцлаа. Дэлхийн брэндүүдийг Монголын  хэрэглэгчиддээ танилцуулж буй баг хамт олондоо сэтгүүлч миний зүгээс талархснаа илэрхийлье.

Пицца Хат нь ресторан, хүргэлт, экспрэсс гэсэн гурван концепттой ажилладгаас Монголд “ХҮРГЭЛТ”-ийн концепт эхлэн орж ирж байгаа. Пицца Хатын олон улсын стандартын дагуу хүргэлтийн бүсүүдийг тодорхойлдог. Жишээ нь эхний хороололд нээгдсэн салбар 3,4-р хороолол, 10-р хороолол болон 25-р эмийн сангийн айл өрхүүдэд хүргэлтийн үйлчилгээг санал болгож байгаа юм. Хэрвээ та дээрх бүсүүдэд амьдардаг бол www.PizzaHut.mn вэб хуудсаар захиалан гэртээ хүргүүлэн идэх боломжтой. Харин та энэхүү бүсээс гадна амьдардаг бол онлайнаар урьдчилсан захиалгаа өгч шинэхэн салбарт хүрэлцэн ирж идэж болно.

Стандартын дагуу бүсүүдэд хуваан хүргэлт хийх нь пиццаг халуунаар нь маш түргэн хугацаанд хэрэглэгчийн гарт аваачих гол стратеги хэмээн Yum! Asia брэндийн гүйцэтгэх захирал ноён Випул нээлтийн үгэндээ дурдсан. Үнэхээр бид пицца захиалаад бараг 1 цагийн дараа авдаг асуудлыг шийдэх зөв стратеги хэмээн бодож байна.

Танд сонирхуулахад дэлхийн №1 пицца Pizza Hut Delivery-ийн цэсэнд Супер суприм, Маханд дурлагсад, Пепперони, Хавайн, Бяслагт, Ногоонд дурслагсад, BBQ тахиа, нийт 7 төрлийн пан болон уламжлалт крастай пицца, шарсан тахианы далавч, амттангууд багтсан бөгөөд  Супер суприм, BBQ тахиатай пиццаны амт Монголын хэрэглэгчдэд ихээр таалагдаж байна. Хөвсгөр зөөлөн хөөлт, алтан шаргал гадаргуутай Пан Пиццанаас онцгой жор, чанар амтагдаж байна лээ.  Пиццаны амт гэж үүнийг л хэлэх болов уу!