"Софи-2001" болон "Тегеран-2002" чөлөөт бөхийн ДАШТ-ий хошой мөнгө, 2002 оны Дэлхийн цомын хүрэл медальт, 2002 оны Азийн наадмын аварга, 1997 оны Ази тивийн аварга, Зүүн Азийн наадмын аварга, Олон улсын "А" зэрэглэлийн тэмцээний 10 удаагийн аварга, Монгол Улсын гавьяат тамирчин Оюунбилэгийн Пүрэвбаатарын нэрэмжит залуучуудын хөнгөн жингийн аварга шалгаруулах цомын тэмцээн түүний төрсөн өдөр буюу 11 дүгээр сарын 23-нд Спортын төв ордны "А" зааланд болно.

Олон улс, тив, дэлхийн тэмцээнд өрсөлдөх тамирчдыг тодруулах, шударга өрсөлдөөнийг өрнүүлэх зорилготой энэхүү тэмцээнийг ОУ-ын бөхийн нэгдсэн холбооны дүрмийн дагуу 57 кг, 61 кг, 65 кг, 70 кг жингээр зохион байгуулахаар болсон байна.