Дэлхийн хамгийн өндөр настай хүнд тооцогдож байсан Испани улсын иргэн Мариа Браняс Морера 117 насандаа таалал төгссөн байна.

Түүний гэр бүлийнхэн “Мариа өөрийн хүссэнээр буюу унтаж байхдаа амар тайван таалал төгслөө” хэмээн цахим хуудсанд нийтэлжээ.

Тэрээр 1907 онд АНУ-д төрсөн бөгөөд хоёр ч том цар тахал болон дэлхийн нэг, хоёрдугаар дайныг үзсэн нэгэн. 

2023 оны нэгдүгээр сард Гиннесээс Мариаг дэлхийн хамгийн өндөр настай хүнээр зарласан. Түүний өмнө 118 настай Францын иргэн хамгийн өндөр настай хүнд тооцогдож байсан юм.

Одоо дэлхийн хамгийн өндөр настай хүн Япон улсын иргэн Томико Итоока болж байна. Тэрбээр 116 настай, 1908 оны тавдугаар сард төрсөн. 

Эх сурвалж: The Guardian