УИХ-ын чуулганы пүрэв гарагийн /2025.04.03/ нэгдсэн хуралдаан эхэллээ. Хуралдааны эхэнд УИХ-ын дарга хэлэлцэх асуудлуудын танилцуулав.
Үүнд,
Иргэн Р.Шинэгэрэлээс нийтийн ашиг сонирхлыг хөндсөн Хувь хүний орлогын албан татварын тухай хуулийн 6.3-т заасан Орлогод ногддог албан татварын хэмжээг 1 хувь болгон бууруулах асуудлаар хуулийн төсөл санаачлах нийтийн өргөдөл ирүүлснийг УИХ-ын нийтийн өргөдөл гомдлын системд 2025 оны 3-р сарын 20-ны өдөр нийтэлсэн.

Энэ өргөдөл 4-р сарын 1-ний өдөр  Монгол Улсын 18 насанд хүрсэн 100187 хүний санал авсан тул УИХ-аар хэлэлцэн шийдвэрлүүлэх эрх зүйн орчин үүсэв. Иймд эрхлэх асуудлын хүрээнд уг асуудлыг Төсвийн байнгын хороонд шилжүүлж байгааг УИХ-ын дарга Д.Амарбаясгалан танилцууллаа.