Хоол шингээлтийг сайжруулахын тулд дараах аргуудыг хэрэглэж болно.

Зөв хооллолт

• Зажилж идэх – Хоолоо удаан зажилж, сайн буталснаар ходоодонд ачаалал бага өгч, шингээлт сайжирна.
• Хэт их хоол идэхээс зайлсхийх – Бага багаар ойрхон идэх нь ходоодны ачааллыг багасгана.
• Шингэц сайтай хоол идэх – Шинэхэн ногоо, жимс, цагаан идээ, шөлтэй хоол шингээлтэд сайн нөлөөлнө.

Ус уух дэглэм

• Өглөө өлөн дээрээ бүлээн ус уух – Ходоодны үйл ажиллагааг дэмжинэ.
• Хоолны өмнө болон дараа их ус уухгүй байх – Хоол идэхээс 30 минутын өмнө ус уух нь ходоодны хүчил ялгаруулалтыг сайжруулна. Харин хоолны дараа шууд их ус уувал ходоодны шүүсийг шингэлж, хоол боловсруулах явцыг удаашруулна.

Хөдөлгөөн хийх

• Хоолны дараа хөнгөн алхах – Хоол шингээлтийг дэмжинэ.
• Йог, сунгалтын дасгал хийх – Гэдэсний үйл ажиллагааг сайжруулна.
• Хэт хөдөлгөөнгүй удаан байхаас сэргийлж хөдөлгөөн хийх – Биеийн хөдөлгөөн байхгүй үед гэдэсний үйл ажиллагаа удааширч, хоол шингэхэд хүндрэлтэй болдог.

Пробиотик, фермент агуулсан хүнс хэрэглэх

• Тараг, айраг, даршилсан ногоо – Гэдэсний ашигтай нянг нэмэгдүүлнэ.
• Алимны цуу, цагаан гаа, нимбэгтэй ус – Ходоодны хүчил ялгаруулалтыг сайжруулна.

Тайван байх, стрессээ бууруулах

• Стресс ихсэхэд ходоодны хүчил багасаж, хоол боловсруулах эрхтний хэвийн ажиллагаа алдагддаг.
• Гүнзгий амьсгал, йог, бясалгал хийх – Стрессийг бууруулж, хоол шингээлтийг сайжруулна