Тогтмол хуримтлуулж, тогтвортой өсгөж буй харилцагчдаа шагнахаар ХасБанкнаас зарлан хэрэгжүүлж буй “1 тэрбум төгрөгийн шагналын сантай хадгаламжийн урамшуулалт аян”-ы эхний улирлын азтанууд маань өнөөдөр шагналаа гардаж авлаа.

Улирлын болон супер шагнал, сар бүрийн бэлэг, азын зоос зэрэг олон төрлийн шагналаар 9-р сарыг хүртэл шагналын хур буулгаж байгаа тус аяны эхний улирал 5-р сарын 31-ээр өндөрлөж, 6 сарын 5-нд нийт 230 сая төгрөгийн шагнал авах 60 азтаныг тодруулсан бөгөөд өнөөдөр ХасБанкны төв оффис болон орон даяарх салбаруудаараа нэгэн зэрэг шагналыг гардууллаа.

Тодруулбал 5.31-нийг хүртэл ХасБанкны бүх төрлийн хугацаатай хадгаламждаа орлого хийсэн мөнгөн дүнгээс хамаарч Bronze, Silver, Gold эрхүүд цуглуулж, цуглуулсан эрхээрээ тохиролд оролцон 1 сая төгрөгийн 30 азтан, 5 сая төгрөгийн 20 азтан, 10 сая төгрөгийн 10 азтан тус тус тодорсон юм.

Хадгаламжийн урамшуулалт аяны 2-р улирал 6-р сарын 1-ээс 8-р сарын 31-ний хооронд үргэлжилж, 9-р сарын 5-нд мөн 230 сая төгрөгийн 60 азтаныг тодруулах бол 9-р сарын 15-нд нэг, хоёрдугаар улиралд цуглуулсан бүх эрхийг нийлүүлэн тус бүр 100 сая төгрөгийн эзэн болох 3 азтаныг тодруулна.

Мөн 2-р улиралд хадгаламждаа орлого хийсэн мөнгөн дүнгээс хамааран олгож буй эрхүүдийг 3 дахин үржүүлж өгч байна.

Түүнчлэн аяны хүрээнд сар бүрийн 1-ний өдөр зоос эргүүлэн төрөл бүрийн бэлэг хожих боломжтой. Үүний тулд та өмнөх 1 сарын хугацаанд хугацаатай хадгаламждаа 100,000₮-өөр орлого хийхэд хангалттай бөгөөд олон сонирхолтой, онцгой бэлгүүд таныг хүлээж байна.

Тэрбум төгрөгийн шагналын сантай Хадгаламжийн урамшуулалт аяны талаар дэлгэрэнгүй мэдээллийг billion.xacbank.mn хуудсаас авахаас гадна, уг хуудаст нэвтрэн цуглуулсан эрхүүдээ харах боломжтой.

Эхний улирлын азтанууддаа дахин баяр хүргэхийн хамт хоёрдугаар улиралд идэвхтэй оролцож, улирлын болон супер шагнал, 100 сая төгрөгийн эзэн болохыг нийт харилцагч та бүхэндээ хүсэн ерөөе!