Уншигчдын хамгийн дуртай сэтгүүлийн нэг аль хэдийнэ болоод буй “Соронз”-ын шинэ дугаар “Электрон ном” буланд нэмэгдлээ.

“Соронз” сэтгүүлийн шинэ дугаарын мэдээ, мэдээлэл улам ч сонирхол татахуйц болжээ. Э-Ном буланд шинээр нэмэгдсэн 45-р дугаарт олон шинэ, соргог мэдээ, мэдээлэл, зураг хэвлэгдсэнээс онцлон дурьдвал, энэ жилийн “Гоёл” наадмын сонин хачин, топ моделийн үнэ цэнэ яагаад алдагдсан тухай, МУГЖ Т.Баясгалан шинэ хүнээ тэсэн ядан хүлээж байгаа талаар, экс ерөнхийлөгчийн хүүхэд асрагч учир битүүлгээр амь насаа алдсан тухай, манай олны танил улстөрч эрчүүд сонгуульд бэлтгэн нүүрэндээ гоо сайхны хагалгаа, засвар хийх болсон талаар сонирхолтой мэдээллүүдийг фото зургийн хамт буюу баримттайгаар нь хүлээн авч уншаарай.

Түүнчлэн энэ дугаарт, Монголын топ зочид буудлуудын өв залгамжлагч баян охидын талаар, Зайсангийн аманд айлсах улстөр, бизнес, соёл урлагийн салбархны хаус, орон сууцны тухай, сонгуулиар ард түмэнд молиго үмхүүлдэг төрийн түшээдийн талаар, өөрийн гэсэн өвөрмөц стиль, имижтэй олны танил эрчүүдийн талаар багц мэдээлэл бэлтгэсэн байна.  

Мөн “Говь”-ийн нүүр царай болж олонд танигдсан загвар өмсөгч Э.Энхболд болоод дэлхийн хөгжмийн сургуулиуд дундаа Харвард, Кембрижийн их сургуультай эн зэрэгцэхүйц нэр хүндтэй Чайковскийн нэрэмжит хөгжмийн дээд сургуулийг төгөлдөр хуурч мэргэжлээр төгссөн цорын ганц Монгол хүн болох С.Саянцэцэг нарын сонирхолтой ярилцлагуудыг уншаарай.



Уншигч Та бүхэн “Соронз” сэтгүүлийн шинэ дугаарыг электрон хувилбараар энд дарж уншаарай.

Худалдан авалтаа банкны төлбөрийн картаар болон Мобикомын гар утасныхаа нэгжээр худалдан авах боломжтой.

Ч.Туяа