Өнөөдрөөс эхлэн 23-ныг дуустал нийслэлийн хэмжээнд цэргийн жинхэнэ алба хаах хугацааг дуусгаж, бэлтгэлээр халагдсан байлдагч, түрүүчийг хүлээн авах, цэргийн жинхэнэ албанд залуучуудыг татах, гэрээт цэргийн албанд элсүүлнэ.

Нийслэлийн хэмжээнд цэрэг татлагын ажил бүрэн хангагдсан, цэрэг татлагын товчоодод 2579 албан тушаалтан томилогдон ажиллана.

Цэргийн жинхэнэ албаны “Зарлан дуудах хуудас”  95 хувьтай тараагдаж,  эзэндээ хүрсэн байна.

Гэрээт цэргийн албанд нийслэлийн хэмжээнд 79 иргэн элсүүлэхээс 119 иргэн гэрээт цэргийн албанд элсжээ.

Сум дүүргийн ИТХ-ын ээлжит сонгуулийн ирц хангалтгүй байснаас зарим дүүрэг, хороодод дахин санал хураалт явуулахаар болсон. Тиймээс сонгуулийн санал авах байртай давхцаж байгаа цэрэг татлагын байруудыг өөрчлөх хэрэгтэй болсон байна.