Оклахамо Сити Тандэр багийн од Рассэлл Вестбрүүк өнөөдөр Шарлотт Хорнэтс багийн эсрэг 40 оноо, 13 самбар, 10 оновчтой дамжуулалт өгч улирлын 40 дэх трибл даблаа толилууллаа.

ОКС-гийн хувьд ийнхүү Хорнэтсд 113-101 харьцаатай хожигджээ. Ингэснээр НБЭ-гийн түүхэнд нэг улиралд хамгийн олон трибл дабл гүйцэтгэсэн Оскар Робэртсоны амжилтаас 1 л трибл дабл дутуу болж байна.

Мөн өнөөдөр Рассэлл Вестбрүүк Шарлоттын эсрэг анх удаагаа трибл дабл хийжээ. Хожил авсан Хорнэтсоос өнөөдөр Фрэнк Камински 18 оноо, Майкл Кидд Гилкрист 16 оноо тус тус авчээ.

Ийнхүү Шарлотт бүсийнхээ аравдугаар байранд явж байгаа бөгөөд Чикаго, Индианигийн багуудаас хоёр тоглолт дутуу байгаа учраас плэй оффт орох багахан боломж ч байсаар байна. Мөн өнөөдөр Хорнэтсээс Кэмба Волкэр холын зайнаас гурван удаа оновчтой шиджээ.

Эх сурвалж: SPS