Австралийн Хөрөнгийн биржид бүртгэлтэй “Jade Gas Holdings” компани "Улаан нуур" талбайд 105 км газрыг хамрах хоёр хэмжээст чичирхийллийн судалгааг амжилттай гүйцэтгэснээ мэдээллээ.

Цуглуулсан дата мэдээллийг боловсруулах ажлыг “Earth Signal” компани хариуцан ажиллаж байгаа юм байна. Энэ нь төслийн туршилтыг эхлүүлэхэд шаардлагатай мэдээллийг эцэслэхэд түлхэц болно гэдгийг тус компани мэдэгдлээ.

“Jade Gas Holdings” компани Өмнөговь аймагт нүүрсний давхаргын метан хийн төслийн туршилтын үйлдвэрлэлээ эхлэхэд ойртсоноо зарлаад байгаа юм. Тус компани энэ сард багтаан дөрвөн цооногт туршилтын үйлдвэрлэлээ эхлэх төлөвлөгөөтэй байгаа аж. Цаашид хөндлөн цооногуудаар илүү их хэмжээний хий илрүүлэх төлөвтэй байгаагаа тодотгосон юм. Мөн туршилтын олборлолтын хөтөлбөр 3-6 сарын дараа эхэлнэ гэж тооцоолж байна.

Тус компани өрөмдлөгийн хөтөлбөртөө “Major Drilling” компанитай гэрээ байгуулан ажиллаж байгаа юм. 

М.Эрхэс