Сэлбэ, Туул гол дагуух дараах байршлуудыг яаралтай чөлөөлөх шаардлагатай гэв

Нийслэлийн Засаг дарга бөгөөд Улаанбаатар хотын Захирагч, Нийслэлийн онцгой комиссын дарга Д.Сумъяабазар усны салбарын инженерүүд, эрдэмтэн, судлаачид, их, дээд сургуулийн багш нартай өчигдөр уулзав. Энэ үеэр үерийн усны нөхцөл байдал, үерийн даланг хааж барьсан барилга, байгууламжийг цаашид хэрхэх чиглэлээр санал солилцсон юм.

“Престиж инженеринг”, “Хайдродизайн прожект” ХХК хамтран 70 орчим инженер, зөвлөх мэргэжилтний бүрэлдэхүүнтэйгээр Улаанбаатарын инженерийн бэлтгэл арга хэмжээний мастер төлөвлөгөөг боловсруулжээ.  Энэ төлөвлөгөөнд дараах газруудыг нэн яаралтай чөлөөлөх шаардлагатай гэж дүгнэжээ. Үүнд С-аутлэт дэлгүүр, Шунхлай шатахуун түгээх газар болон “Их наяд” худалдааны төв багтсан байна.      

Улаан өнгөөр чөлөөлөх газруудыг, гүн цэнхэр өнгөөр гүнзгий халилт үүсэх газрыг тэмдэглэжээ.