Мобиком Корпораци дараа төлбөрт хэрэглэгчдийнхээ хэрэглээг улам бүр хялбар болгосоор байгаа билээ. Үүний нэг баталгаа болж, өнөөдрөөс эхлэн дараа төлбөрт хэрэглэгч та дэлхийн аль ч улс орон руу гар утасныхаа од (*) товчийг ашиглан Глобусын од гарцаар шууд ярих боломжтой болж байна.

Өмнө нь дараа төлбөрт хэрэглэгчид гадаад улс оронд ажиллаж амьдарч байгаа ах дүү, найз нөхөдтэйгээ ярихдаа олон улсын ярианы карт худалдан авч цэнэглэх, эсвэл нэмэлт барьцаа төлбөр байршуулж байж ярьдаг байсан бол одоо зөвхөн од товчийг дараад л хүссэн улс руугаа шууд холбогдоно. Харин таны ярианы төлбөр тухайн сарын хэрэглээний төлбөр дээр нэмж тооцогдох болно.

Од товчийг ашигласнаар:

• Дэлхий бүх улс руу ярих боломжтой
• Хамгийн хурдан, хамгийн шуурхай
• Хүссэн үедээ хэзээ ч хаанаас ч шууд холбогдоно
• Хэрэглээний хязгаарлалтгүй, барьцаа төлбөргүй
• Ярианы төлбөр тухайн сарын төлбөр дээр гарна

Та гадаад улс оронд байгаа хайртай дотны хүмүүстэйгээ “*”+”Улсын дугаар (+хотын дугаар)”+”Утасны дугаар” гэж оруулаад залгах товчлуурыг дарахад л хангалттай. Жишээ нь: Америк руу ярих бол *192хххххххх гэж оруулаад шууд залгана.

• Гадаад улс орнуудад дуудлага хийх үнэ тариф  улс улсаасаа хамааран харилцан адилгүй байдгийг анхаарна уу. Үнэ тарифын мэдээллийг ЭНД дарж авна уу.

Дэлгэрэнгүй мэдээллийг Мобикомын лавлах 2222 болон бусад операторын хэрэглэгчид 1800-2222 дугаараас авна уу.

Та Мобикомын сошиал хаягуудад нэгдээрэй!