10:00 цагт Цагдаагийн алба хаагч эмнэлэгт үзүүлэх, оношлогоо хийх, нарийн шинэжилгээ өгөх завгүй байдаг энэ үед өнөөдөр 15.00 цаг хүртэл Баянгол дүүргийн Цагдаагийн нэгдүгээр хэлтсийн хурлын зааланд тус хэлтсийн алба хаагчидад үнэ төлбөргүй бүх төрлийн эмнэлгийн үзлэг, нарийн оношлогоо хийх гэж байгаа сайхан үйл явдал болох гэж байна.

11.30 цагт "Эх орончдын өдөр"-ийг тохиолдуулан МАХН, МАН-ын удирдлагууд Сүхбаатарын хөшөөнд цэцэг өргөнө. Мөн хүндэтгэлийн хурал СТӨ-ний Их танхимд гуравдугаар сарын 1-ны 12:30-аас эхэлнэ. Хуралд МАХН, МАН-ын удирдлага, гишүүд дэмжигчид, хүндэт зочид оролцоно.

11:00 цагт МОНЦАМЭ агентлагийн байранд “АСЕМ-ийн хэвлэл мэдээллийн төв”-ийн нээлтийн үйл ажиллагаа болно. “АСЕМ-ын өдөр”-ийг тохиолдуулан нээж буй уг мэдээллийн төв нь АСЕМ-ын үйл ажиллагаа, ач холбогдол, цаашдын зорилго болон Дээд түвшний уулзалтын бэлтгэл ажлын талаарх мэдээлэл авахыг хүссэн дотоодын сэтгүүлч, хэвлэл мэдээллийн байгууллагынханд нээлттэй ажиллах юм.

11.30 цагт “Үндэсний мэдээллийн төв”-д Хангайн бүсийн хурдан морины уралдааны талаар "Арвагар хээр"холбооноос мэдээлэл хийнэ.

12.00 цагт JCI Капитал салбар байгууллагаас санаачлан, БСШУЯ, Монголын Үндэсний номын сантай хамтран 2015 оноос эхлэн хэрэгжүүлж буй “Номын баринтаг” төслийн 2016 оны нээлт Монголын Үндэсний номын санд болно.

14:00 цагаас Гадаад хэргийн яамнаас албан ёсны ээлжит "Мэдээллийн цаг" уулзалтыг зохион байгуулна.

"Монгол ньюс" мэдээллийн төвд

12.00 цагт "Иргэдийн шударга шүүх" ТББ-ын Залуучуудын холбооноос мэдээлэл хийнэ.

12.30 цагт Эрүүл сайхан ирээдүй” ТББ, МУБИС-ийн Оюутны холбоо хамтран I эмнэлэгт нэн шаардлагатай байгаа МА-42, МА-53, Tonometer, SlitLamp зэрэг оношлогооны өндөр хүчин чадалтай 40 гаруй сая төгрөгийн үнэ бүхий, нүд болон сонсголын аппаратыг бүх нийтийн хандив тусламжаар авч өгөх “Хамтдаа” аян зохион байгуулах гэж буй талаар мэдээлэл хийнэ.