2023 онд Монгол Улсын эдийн засаг 4.4 хувиар өсөх төлөвтэй гэж Монголбанк үзэж байна. Хэдий тийм боловч экспорт хэвийн түвшинд хүрч, зээлийн тасалдал, нийлүүлэлтийн шинэ “шок” үүсэхгүй байх тохиолдолд Монголбанкны төсөөлөл биелэх боломжтой гэж үзэж байна.

Энэхүү төсөөлөл нь бусад олон улсын байгууллагын төсөөллүүдтэй харьцуулахад хамгийн доогуур үзүүлэлт болохоор байна. Тухайлбал: Олон Улсын Валютын Сан таван хувь, дэлхийн банк 5.5 хувь, Азийн Хөгжлийн банк 4.9 хувиар өснө гэсэн төсөөлөлтэй байна. 

Харин Монголбанкнаас шинжээчдийн дунд явуулсан санал асуулгаар эдийн засгийн өсөлт 2023 оны эхний  улиралд 3.8 хувь байх бол III улиралд 4.3 хувь хүрч эрчимжинэ гэсэн төсөөлөлтэй байна.

2022 оны урьдчилсан гүйцэтгэлээр дотоодын нийт бүтээгдэхүүн 4.5 хувиар өссөн юм. Эдийн засгийн өсөлтөд уул уурхайн салбарын экспорт гол нөлөө үзүүлсэн гэж Эдийн засаг, хөгжлийн яам үзэж байгаа аж.

Нээлттэй нийгэм форумын Хөтөлбөрийн менежер Д.Оюунбадам

ЭЗСЭШХ-ийн захирал Б.Түвшинтөгс

Монголбанкны Мөнгөний бодлогын газрын захирал Б.Баярдаваа