УИХ-ын гишүүн Д.Бат-Эрдэнэ Зам тээврийн хөгжлийн сайд Л.Халтараас сүүлийн үед навигацын орлого буурсан. Нэмэгдүүлэх чиглэлээр ямар арга хэмжээ авч байгааг тодруулжээ.

Зам, тээврийн хөгжлийн сайд Л.Халтар ковидоос шалтгаалан агаарын тээврийн нислэгийн тоо эрс буурсан. Үргэлжлүүлээд Европт үүссэн нөхцөл навигацын орлогод нөлөөлсөн хэвээр байна.

Бид навигацын орлогыг өсгөхөөр манай нутаг дээгүүр дамжин өнгөрөх агаарын хаалганы тоог нэмэхээр ажиллаж байна. Бусад орнуудад манай улсын агаарын орон зай нээлттэй гэсэн санал тавьж байна гэж хариулсан юм.

Шинэ сэргэлтийн бодлогын хүрээнд агаарын тээврийн салбарыг либералчлан, энэ салбарыг аялал жуулчлалтай уялдуулан хөгжүүлнэ. Мөн орон нутгийн нисэх буудлуудын үйл ажиллагааг сайжруулан, ачаа тээврийн зангилаа төв байгуулахаар төлөвлөжээ.