Энэ сарын 26-нд "Монжаргалант" ХХК -ийн үүсгэн байгуулагдсаны 20, 21 жилийн ойн баяр болж өндөрлөлөө.

Одоогоос 20 жилийн тэртээ 3 ажилтантай “Цэцгэн бууз” нэртэйгээр нийтийн хоолны салбарт үйл ажиллагаагаа эхэлсэн нь өнөөдөр 200 гаруй ажиллагсадтай үндсэн 4 чиглэлд тогтвортой үйл ажиллагаа явуулж буй Монжаргалант ХХК болох эхлэлийг тавьсан билээ.

Энэхүү хугацаанд “Олон улсын стандартад нийцсэн чанартай хоол, ундаа, найрсаг үйлчилгээг хүргэж үйлчлүүлэгчийн сэтгэл ханамжийг дээдэлсэн чадварлаг хамт олон болох” эрхэм зорилгын хүрээнд ажиллаж буй Монжаргалант компани нь худалдаа үйлдвэрлэл , нийтийн хоол үйлчилгээ, аялал жуулчлал, банк санхүү зэрэг 4 үндсэн чиглэлээр 17 салбар нэгжтэйгээр 200 гаруй ажилчидтайгаар үйл ажиллагаагаа явуулж байна.

Арга хэмжээний үеэр өнгөрсөнд бүтээн байгуулсан бодит үр дүнгээ тайлагнаж цаашид хэрэгжүүлэх алсын хараа, зорилго зорилт, тогтвортой хөгжлийн талаарх бодлого чиглэлийг Монжаргалант ХХК-ий гүйцэтгэх захирал  Г. Оюун-Эрдэнэ танилцуулсан юм.

Монжаргалант компанийн зарчим бол хамтын үнэ цэнийг бий болгож хамтдаа хөгжих явдал юм. Тиймээс компанийнхаа ажиллагсдын нийгмийн асуудалд сэтгэл гарган оролцож, дэмждэг. Монжаргалант компани бусдыгаа уриалан манлайлан ажиллаж байгаагийн жишээнүүдээс дурьдвал 2022 оны 3 сард Цусаа хандивлая сайн үйлсийн аянд гар бие оролцсон. Компаний удирдлагын зүгээс ажилчдын нийгмийн асуудлыг шийдвэрлэх ажлын хүрээнд БЗД болон БГД-т ажилчдын дотуур байрны барилга 2-ыг барьж ашиглалтанд оруулснаар цөөн ам бүлтэй залуу ажилчдын хувьд ажил гэрийн хооронд явах цагийг хэмнэж хөдөлмөрийн бүтээмжийг дээшлүүлсэн томоохон ажил болсон.

Энэ бүхэн нийт Монжаргалант компанийн нийт ажиллагсад болон удирдлагуудын хүчин зүтгэл юм. Тэгвэл түүхт 20, 21 жилийн ойн баярын арга хэмжээгээ 12 сарын 26нд амжилттайгаар зохион байгуулж, 2 өрөө байр, 10 сая төгрөг болон 20 сая төгрөгний байрны урьдчилгаа, Toyota Prius 40 маркийн автомашин болон бусад 20 шагналыг хамт олноо манлайлан ажиллаж олон жил тууштай хөдөлмөрлөн ажилласан ажилчиддаа гардууллаа.

Өнгөрсөн жилүүдийн хугацаанд бидэнд итгэж үйлчлүүлсэн нийт үйлчлүүлэгчид, дэмжиж ажилласан бизнесийн түншшд, харилцагч байгууллагууддаа Монжаргалант компаний үүсгэн байгуулагдсан 20 жилийн ойн баярын мэндийг хүргэе, бидний эрхэлж буй үйл ажиллагаа нь иргэдэд аялал жуулчлал, эрүүл мэнд, эдийн засгийн асуудлыг шийддэгээрээ улс орны хөгжилд хувь нэмэр оруулж байгаад бид баяртай байдаг. Бидэнтэй хамт бүхий л хугацаанд хамтдаа хөгжсөн та бүгдэд баярлалаа.