Дэлхийн түүхэд зургаадугаар сарын 13-д болсон онцлох гурван үйл явдлыг танилцуулъя.

1878 оны зургаадугаар сарын 13. Балканы хойгийг тохинуулах Берлиний хэлэлцээр эхлэв

Орос - Туркийн дайн дууссаны дараа Балканы хойгийн улсуудын газар нутгийг сэргээх Берлиний хэлэлцээр 1878 оны зургаадугаар сарын 13-д эхэлжээ.

Нэг сарын турш үргэлжилсэн хэлэлцээрт Оттоман, Орос, Их Британи, Франц, Австри-Унгар, Итали, Герман, Грек, Серби, Румын, Монтенегро улсууд оролцож долоодугаар сарын 13-д дуусахад Берлинийг гэрээг байгуулсан.

Гэрээний дагуу Румын, Серби, Монтенегрогийн тусгаар тогтнолыг зөвшөөрч Болгарыг өөртөө засаглах муж хэвээр үлдээсэн байна.

1983 оны зургаадугаар сарын 13. "Pioneer 10" нарны системээс гарч задгай сансарт хүрэв

Сансарт 10 гаруй жилийг өнгөрөөсөн "Pioneer 10" хөлөг 1983 оны зургаадугаар сарын 13-нд Нарны системээс гарч задгай сансарт хүрсэн анхны хөлөг болжээ.

Хөлгийг NASA 1972 оны гуравдугаар сарын 2-д хөөргөсөн бөгөөд нарны аймгийн хамгийн том гараг Бархасбадийг судлах зорилготой байв.

Даалгавраа амжилттай биелүүлсэн хөлөг гаргуудыг өнгөрсөөр одод хоорондын орон зайд хүрсэн бөгөөд 2003 оны нэгдүгээр сард холбоо тасарсан.

2000 оны зургаадугаар сарын 13. Хоёр Солонгосын удирдагчид дайнаас хойш анх удаа уулзав

Өмнөд Солонгосын Ерөнхийлөгч Ким Дэ Жүн, Умард Солонгосын удирдагч Ким Жон Ил нар 2000 оны зургаадугаар сарын 13-д Пёньян хотод уулзжээ.

1950-1953 оны хооронд өрнөсөн Солонгосын дайнаас хойш хоёр Солонгосын удирдагчид анх удаа уулзсан нь энэ юм.

Энэхүү дээд хэмжээний уулзалт Өмнөд, Умардад төдийгүй зүүн Азид ардчилал, хүний эрхийн үзлийг түгээж Нобелийн энх тайвны шагналыг Ким Дэ Жүн хүртсэн.